Categories

اعلان

Loading…

هند: افغان حکومت باید د سولې په مذاکراتو کې ښکېل شي

تاند، شنبه، د میزان ۱۳ مه: د هند د بهرنیو چارو وزارت ویلي، دوی د افغان سولې د ټولو اقداماتو هرکلی کوي خو ټولې ښکېلې خواوې په ځانګړې توګه د افغانستان منتخب حکومت باید د سولې په مذاکراتو کې شریک وي.

ددغه وزارت ویاند راویش کومار نن په یوه خبر پاڼه کې ویلي، یوازې هغه خبرې پایلې ته رسېدلی شي، چې ښکېل اړخونه یې اساسي قانون او نورو قانوني واکونو ته درناوی ولري.

دده په وینا افغانستان یو منتخب او قانوني حکومت لري چې باید د سولې په ټولو خبرو او فعالیتونو کې حاضر وي.

راویش کومار زیاته کړې هند هم د هغو مذاکراتو او خبرو ملاتړ کوي چې د افغانانو په خوښه او مالکیت مخ ته لاړې شي.

تر دې وړاندې څو ورځې مخکې د هند د بهرنیو چارو وزیر هم ورته څرګندونې کړې وې او په خبره یې یوازې د هغو خبرو هرکلی کوي، چې د افغانانو په مشرۍ او مالکیت مخ ته ځي.

دا خبرې په داسې حال کې کیږي چې په قطر کې له طالبانو سره د خبرو له لغوه کیدو وروسته اوس تازه ځینو طالب استازو پاکستان ته سفر کړی او د دې هیواد له لوړپوړو چارواکو سره یې په افغان سوله خبرې او لیدنې کړي دي.

351 total views, no views today

onesignal_meta_box_present:
onesignal_send_notification:
response_body:
{"id":"8dc5b31d-4e25-4dac-bb5a-e359e9d463f9","recipients":801,"external_id":"384f98f9-d46d-0e43-8867-9c9ec47581dd","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
801

Leave a Reply

Your email address will not be published. Required fields are marked *

۸