Categories
TwitterFacebookPinterestGoogle+

اعلان

Loading…

۸

خوشال سادات؛ پر ټاکنیزه پروسه د تېر ځل په پرتله بریدونه ۹۵ سلنه کم شوي

تاند، جمعه، د میزان ۵مه: دفاع او کورنیو چارو وزارتونه وايي، د ولسمشریزو ټاکنو په تړاو یې د ګډ درې برخې امنیتي پلان لومړۍ برخه یې په بریالیتوب عملي کړې ده.

دواړه وزارتونه وايي، د خپل پلان دویمه برخه به د ټاکنو په ورځ او دریمه به یې له ټاکنو وروسته عملي کړي.

په دې تړاو نن د کورنیو چارو وزارت ارشد امنیتي معین خوشال سادات، د دفاع وزارت لوی درستیز بسم الله وزیري او د ټاکنو د دارالانشاء مشر حبیب الرحمن ننګ په ګډه خبري غونډه کې وویل، پر ټاکنیزه پروسه بریدونه د تېر ځل د ولسمشریزو ټاکنو په پرتله ۹۵ سلنه راکم شوي دي.

خوشال سادات وايي، تېر ځل پر ټاکنیزو کمپاینونو ۹۴ بریدونه شوي وو، خو سږ کال دا بریدونه ۸ ته راکم شوي وو: (( شمیرې مو ښيي چې پر ټاکنیزه پروسه د طالبانو بریدونه ۹۵ سلنه کم شوي دي، موږ به د ټاکنو په ورځ د خپل امنیتي پلان دویمه برخه په بریالیتوب عملي کړو.))

د پوځ لوی درستیز بسم الله وزیري هم راتلونکو ټاکنو ته له خپله اړخه د پوځ د بشپړو تابیاو ډاډ ورکړ.

د کمېسیون د دارالانشاء مشر حبیب الرحمن ننګ بیا وویل، له تخنیکي لحاظه دوی هم ټاکنو ته بشپړ چمتووالی نیول شوی او د هېواد ۴۴۶ اداري واحدونو ته یې ټاکنیز توکي رسولي، خو د نن ورځې تر پایه به ۱۰۲ نورو مرکزونو ته هم ټاکنیز توکي ورسول شي.

ښاغلي ننګ وویل، ۲۶۰ کورنیو او بهرنیو بنسټونو ته یې د ټاکنو د څار جوازونه ورکړي چې ټول ټال ۱۴۴ زره او ۱۴۶ ناظرینو ته یې کارتونه ورکړي دي

onesignal_meta_box_present:
onesignal_send_notification:
uuid:
6363cc94-16bd-85e9-011f-3d601aeb326a
response_body:
{"id":"d237e665-1938-45b5-a270-abb6bf012829","recipients":774,"external_id":"6363cc94-16bd-85e9-011f-3d601aeb326a","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
774
notification_id:
d237e665-1938-45b5-a270-abb6bf012829

Leave a Reply

Your email address will not be published. Required fields are marked *