Categories

اعلان

Loading…

ټاکنې د افغانستان د ژوند او مرګ خبره ده

د هیواد سیاسي حالت کړکېچني خوا ته روان دې او هیواد د ژوند او مرګ په پوله ولاړ دې.  ټاکنیز ټیمونه په دې مرحله کې زښته زیات او سره ویشل شوې، خو دا خبره له امکانه لري نه ده چې ځینې ټیمونه به له غټو ټیمونو سره یو شي . لکه څنګه چې مو پورته اشاره وکړه د ا ځل ټاکنې د هیواد د ژوند او مرګ په معنا دې ځکه نو موږ د هیواد د اوسېدونکو په توګه ايماني او انساني  وظیفه لرو چې خپل انتخاب په ډېر غور سره وکړو. 

بهرنۍ استخباراتي ادارې په دې هڅه کې دي چې په ټاکنو کې داسې  کسان بریالي کړي چې د دوی روا او ناروا ګټې وساتي. موږ په دې ښه پوهېږو چې زموږ ګاونډي هیوادونه تر روا ګټو زیات د ناروا ګټو د ساتلو په لټه کې دي. د هیواد د اقتصاد قوي کېدل د ګاونډیو هیوادونو  اقتصاد ته خطرناک بلل کېږي، د اوبو مهارول په ګاونډیو هیوادونو کې د وچکالۍ معنا ورکوي (موږ مجبور شو د ګاونډیو هیوادونو د مزاحمت او لارې نه را کولو له کبله هوایي دهلیزونه جوړ کړو چې دا کار ډېر ګران هم دی). که څه هم ولسمشر په کراتو مراتو دې هیوادونو ته وړاندیز کړی دی چې را شئ په اقتصادي چارو کې معقوله سیالي وکړئ، را شئ ازاد تجارت وکړو، راځئ چې لارې پرانیزو خو چا یې خبرو ته غوږ ونه نیوی. یو مثال یې د وآګې بندر ته د ځمکې لار ده چې پاکستان د افغان تجارتي توکو ته د تېرېدو اجازه نه ورکوي خو خپل ځانته حق ورکوي چې د افغانستان له لارې منځنۍ  آسیا ته تجارت وکړي، دلیل يې همدا دی چې وایي چې موږ زورور یو او ځانته دا د ناروا او نا قانونه کارونو د کولو حق ورکوو. دا چې دوی ولې زورور دي، خبره ښکاره ده، ځکه چې موږ کمزوري یو دا موږ بیا ولې کمزوري یو ځکه چې اتفاق نه لرو ، سره وېشلې یو او د عقل د کموالي له ستونزې سره مخ یو. موږ ته ورور وژنه جنت ته د ننوتلو اصلي کیلي ښکاري. دا خیالي کېلي زموږ په ذهن کې په کور د ننه دښمن او د کور د باندې دښمن په ایران او پاکستان کې ناست د جهاد ټېکه دارانو جوړه کړې ده. زموږ د جومات ملا په دې عقیده دی چې جهاد تر قیامته نه خلاصېږي، ځکه خو ښاغلي حکمتیار نغمه سنګر ته استوي او دا انسان وژنه به د ده تر مرګه دوام کوي. دا ډول فکر چې د خداى په نامه د خدای د مخلوق سر پرېکوي- تر څو د خدای بادشاهي وساتي – دا څرګندوي چې د دې خلکو دماغ سمه وده نه ده کړې او دا خلک خپل جنون ته د عقیدې نوم ورکوي. زه په دې ایمان لرم چې خدای زښته لوی دی او هغه د بادشاهي ساتل زموږ عاجزو بندګانو تر وس لوړه خبره ده. تیره ورځ د شهید د جعلي جوړې شوې ورځې په نامه په کابل  ښار کې چې کوم انډو خر روان وو فکر نه کوم چې د اسلام د مخه دوره کي ابو لهب او ابو جهل داسې کارونه کړي وي. د ښوونځى د زده کوونکي په مخونو تیزاب شیندل، د ځانمرګو حملو توجیه کول، او د کابل د قصاب په لقب فخر کول هغه خبرې دي چې زموږ د ګاونډیو له ماغزو خو زموږ د کورنیو دښمنانو له خولو را وځي. او زموږ ګاونډی هیوادونه همدا کسان د ارګ په چوکۍ کېنول غواړي. دې کسانو له قاتلانو او وژونکو څخه اتلان جوړ کړي دي په کابل او ولایتونو کي يې سړکونه او پوهنتونه په نامه شوي دي او اوس غواړي څو لسیزې نور هم د دې خلکو په سر کې مېخونه ټک وهي، چور او تالان ته دوام ورکړي، د ګاونډیو هیوادونو پروژې عملي او ملت د غم په ټغر کښینوي.  

د ملت له ازلي دښمنانو سره درېدل او د هغوی په لاره تلل له خدای سره د ښکاره دښمنۍ په معنا ده. ځکه هغوی چې د خدای په ځمکه کې فساد خپروي، بې ګناه انسانان قتلوي، لارې او سرکونه ورانوي په قران کې ورته ډېره سخته جزا ټاکل شوې ده. دې کسانو نه یوازې له سړیتوب سره جفا کړې ده بلکې د خدای د قانون او دین د بدنامۍ له پاره يې هم مټي را نغښتي دي. ښه مثال یې د خدای د دین د ساتلو په نامه د خدای د مخلوق وژل دي. 

په هوايي بمبارۍ کې په لوی لاس د بې ګناه خلکو وژل هم د دې پروګرام یوه برخه ده. ولسمشر په کراتو مراتو له هوايي ځواکونو وغوښتل چې د ملکي تلفاتو د مخنیوي لپاره جدي اقدامات وکړي خو چا يې په خبره غوږ ونه ګراوه. داسې ښکارې چې په وسله وال پوځ کې نه یوازې د طالبانو نفوذي کسان ننوتلي دي بلکې د پخوانو مجاهدینو او مافیايي ډلو ټــپلو خلک هم موجود دي، چې په یو نه یو ډول غواړي دولت بدنام د خلکو او ولس تر منځ واټن را منځ ته کړي.  تر ټولو لا بده خبره خو دا ده چې ځینې کسان غواړي خپل تربور، کلیوال او یا بل څوک چې ورسره ستونزه لرې، دولتي اورګانونو ته غلط راپورونه ورکوي او دا کسان ورباندې له منځه وړي. او د ملکي تلفاتو یوه لویه برخه له همدې کبله را منځ ته کېږې. په وسله وال پوځ کې دا کسان د ګاونډیو هیوادنو او په کور د ننه لوټ مارانو پاخه جاسوسان دي. 

  دا کسان د دین په نامه دا بې سواده ولس غولوي او د خیالي جنت دروازې ورته پرانیزي، او د همدې ولس قتل عام ته لاره هواروي. دې کسانو نه یوازې په ټوله نړۍ کي  اسلام بدنام کړ بلکې په کور دننه هم قومي تعصباتو ته لمن وهي. تاریخي مسلې را پورته کوي او ولس نور هم سره وېشي. زموږ ځینې خلک اوس هم دومره ساده دي چې خپل دوست او دښمن نه پېژني، ځکه نو ځنې يې تر اوسه د دې داړه مارانو په خبرو تیروځي. خلکو ته فکر کول په کار دي، څوک ستاسي سوداګریزو توکو ته بازار پیدا کوي، څوک تاسي ستاسي د ازلي دښمنانو له محتاجۍ خلاصوي، څوک ستاسي د خدمت کولو وړتیا لري او څوک ستاسي په غم شریک دي. که انسان خپل عقل وکاروي دا کسان له ورایه ښکاري، او ټاکل يي بیا په تاسې پورې اړه لرې. 

د ملت شعـور د راويښېدو په حال کې ښکاري، ځکه څلور کاله مخکې  يې د پوهنتون یو پروفیسر خپل مشر انتخاب کړ، تر ارګه يې و رساوه  او غلو او لوټ مارانو ته يې اجازه ورنه کړه چې بیا د دوی په سر معامله وکړي. د ولس یوه لویه برخه له قومي او ژبنيو تعصباتو خلاصه ښکاري د قوم او ژبې لپاره رایه نه ورکوي بلکې د ټاکنیزو ټیمونو پروګرامونو ته ګوري او بیا رایه ورکوي. 

محمد اکبر پیمان 

د سپټمبر ۲۱ کال ۲۰۱۹

303 total views, 2 views today

onesignal_meta_box_present:
onesignal_send_notification:
uuid:
3993282d-3ff5-46f1-6c09-f8f6d90a45b6
response_body:
{"id":"c711370c-0c78-461a-af4c-434e8ad0c5f9","recipients":767,"external_id":"3993282d-3ff5-46f1-6c09-f8f6d90a45b6","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
767
notification_id:
c711370c-0c78-461a-af4c-434e8ad0c5f9

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2