Categories

اعلان

Loading…

ایران ته ګواښ: امریکا سعودي عربستان ته تازه دمي پوځيان استوي

تاند، شنبه، د سنبلې ۳۰مه: وروسته له هغې چې د سعودي د تېلو پر تنصیباتو سخت بریدونه وشول، اوس د امریکا دفاع وزارت وایي چې ولسمشر ډونالډ ټرمپ سعودي عربستان ته د عمومي دفاع او په سعودي عربستان کې د هوايي او د توغندیو د دفاع لپاره د امریکايي پوځيانو پر استولو هوکړه وکړه.

پنټاګون په یږه خبرپاڼه کې ویلي چې دا د سعودي عربستان د تېلو پر بنسټونو تر وروستي برید راپدېخوا د امریکا لومړنی غبرګون دی.

تیره شنبه یا سپتمبر ۱۴مه د سعودي پر دوو تېل چڼځایونو بقیق او خریص بې پیلوټه الوتکو جلا جلا بریدونه وکړل، چې په پایله کې یې د سعودي زیات تیل وسوځیدل.

که څه هم په یمن کې حوثيانو د سعودي عربستان د تېلو شرکت ارامکو اړوندو دوو بنسټونو د برید مسوولیت ومانه خو امریکا او سعودي عربستان وايي چې داسې هېڅ نښه او ثبوت نه شته چې ګني دا بریدونه د یمن له خاورې شوي.

د امریکا د بهرنیو چارو وزیر مایک پمپیو ددې برید پړه په ایران واچوله خو د ایران د بهرنیو چارو وزیر جواد ظریف دغه خبره رد کړه.

له وروستیو پلټنو معلومه شوې چې په دې برید کې کارېدلي توغندي ایران کې جوړ شوي وو.

د امریکا د دفاع وزیر تیره شپه په پنټاګون کې خبریالانو ته وویل، ایران ته د امریکايي ځواکونو له استولو درې موخې دي
لومړۍ دا چې ایران ته څرګند پیغام واستول شي چې امریکا په سیمه کې د خپلې ټلوالې ملا تړي، دویمه دا چې د نړیوال اقتصاد لپاره د حیاتي سرچینو د ازادۍ د دوام ملاتړ هم کوي.

مارک اېسپر ویلي، سیمې ته د امریکايي سرتېرو په استولو به سعودي عربستان او عربي متحده اماراتو ته د وسلو ورکولو لړۍ چټکه شي چې پخپله له ځانه دفاع وکړای شي.

484 total views, no views today

onesignal_meta_box_present:
onesignal_send_notification:
uuid:
c8c2cd26-9fc2-63f6-5545-75fc3f8e0f29
response_body:
{"id":"bad31fe0-9054-4be9-a3e6-c867f39c76f6","recipients":761,"external_id":"c8c2cd26-9fc2-63f6-5545-75fc3f8e0f29","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
761
notification_id:
bad31fe0-9054-4be9-a3e6-c867f39c76f6

Leave a Reply

Your email address will not be published. Required fields are marked *

۸