Categories

اعلان

Loading…

تنهایي پرسته (لنډه کیسه): امنه عزیزي

لیکواله: امنه عزیزي

تیارې یې خوښېدې، که څه هم کور کې برېښنا وه، خو د برنډې څراغ یې روښانه نه کړو، په برنډه کې په پروت کټ کې کېناستله، په تیاره شپه کې سپوږمۍ هر ځای خپله رڼا لوروله، خو د کور په انګړ کې ګڼو ونو، د سپوږمۍ رڼا لاندې نه راپرېښودله، په تیاره کې یوازې د کتاب د پاڼو اوازونه اورېدل کېدل، چې اړوي یې، ښاسیته شېبه تېره شوه، خو تیاره کې یې یوازې د کتاب پاڼې اړولې را اړولې.

ناڅاپه له خپل ځایه پورته شوه، خدای خبر څه ور په زړه شوي و، پر زنګېدلو قدمونو د صالون په دروازه دننه شوه، په صالون کې پورته منزل ته په تېرو شویو زینو کې یې ارام ارام پلونه اخیستل، د صالون د څراغ په رڼا کې یې پر دېوال سیوری جوړېده، په سیورې کې په لاس کې پیاله او پر سیني پورې نیولی کتاب ښکارېده، پورته منزل ته پر ختو هلته پر چوکۍ کې کېناستله.

د آسمان سپوږمۍ یې د کتاب پر تورو رڼا لوروله، د سپوږمۍ رڼا ته یې پر کتاب سر ځړېدلی و، شونډې یې سره خوځېدې، په لاس کې یې د نیولې پیالې څخه د قهوې ګرم تفت خوت، د آسمان ستوري ورته مسک و، یخ باد یې پر خلاصو وېښتو منګولې لګولې، د سپوږمۍ رڼا یې پر دېوال تصویر جوړوه او باد ړنګوو…

شېبه وروسته ورېځو د اسمان پر سینه څادر وغوړاوه، د سپوږمۍ رڼا یې ونیوله او ستوري هم د ورېځو تر څادر لاندې نه ښکارېدل، ناڅاپه د آسمان زړه را ډک شو، ښه ډېر وورېد، آسمان زړه تشولو او هغې له اسمانه پر ځمکه د رالوېدونکو څاڅکو آوازونو ته غوږ اېښی و، سترګې یې پټې کړې، تندی یې ګونځې شو، شونډې یې سره ورانه شوې او د خپل راتلونکي نامعلوم برخلیک ته اندېښمنه برېښېده.

500 total views, no views today

onesignal_meta_box_present:
onesignal_send_notification:
uuid:
8947a721-de5b-048a-7b57-ac7cfa55e02f
response_body:
{"id":"6e9c1528-d13f-41d8-bef8-92fc763e8205","recipients":756,"external_id":"8947a721-de5b-048a-7b57-ac7cfa55e02f","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
756
notification_id:
6e9c1528-d13f-41d8-bef8-92fc763e8205

1 comment

  1. Haji Ahmad Bidar Reply

    دغه لحظه ډېره په ماهرانه ډول توصیف شوی دی او د لوستل په وخت کې یو ښه انځور په ذهن کې رامنځته کېږي.
    بریا مو غواړم!!!
    په دې هېله چې ادامه ولري!!!

Leave a Reply

Your email address will not be published. Required fields are marked *

۸