Categories

اعلان

Loading…

چین په افغانستان کې د م.م. د سیاسي ماموریت د تمدید مخه نیولې

تاند- چین له امریکا سره د اختلاف له کبله د ملګروملتو په امنیت شورا کې د افغانستان د سیاسي ماموریت د تمدید مخه نیسي.

دیپلوماتان وايي، ټاکل شوې وه چې پرون (دوشنبه) په امنیت شورا کې د یوناما یا په افغانستان کې د ملګروملتو پر مرستندوی ماموریت رایې واخیستل شي، خو د دې ماموریت له اوږدېدو سره د چین د مخالفت له کبله او د دې لپاره چې پر موضوع نورې خبرې وشي، رای اچونه نن ته وځنډول شوه.

په افغانستان کې د ملګروملتو ماموریت نن (سې شنبه) پای ته رسېږي.

د دې ماموریت د تصویب لپاره د امنیت شورا له ۱۵ دایمي او غیردایمي غړیو څخه د ۹ موافقو رایو ته اړتیا ده خو چین، روسیه، فرانسه، امریکا او بریتانیا هره پرېکړه ویټو کولی شي.

د لوېدیځو رسنیو د راپورونو له مخې، مخکې تر دې چې په دې اړه پرېکړه نن ته وځنډېږي، دیپلوماتانو وویل، چین غواړي چې په افغانستان کې د ملګروملتو د سیاسي ماموریت د تمدید لپاره د جرمني او اندونیزیا له لوري چمتو شوی پرېکړه لیک ویټو کړي ځکه چې په دې پرېکړه لیک کې د چین کمربند او سړک پروژې ته اشاره نه ده شوې.

په ملګروملتو کې د چین استازندوی دفتر یا استازي په دې اړه د تبصرې په باب د رسنیو پوښتنو ته له ځواب ورکولو ډډه کړې ده.

په افغانستان کې د ملګروملتو مرستندوی ماموریت، چې په ۲۰۰۲ م کال کې تاسیس شوی، اوس له افغانستان سره د میزان د ۶ (سپټمبر۲۸) د ولسمشرۍ په انتخاباتو کې مرسته کوي او په عین حال کې هڅه کوي چې د افغانستان حکومت او طالبان د سولې خبرې وکړي.

تر دې وړاندې په امنیت شورا کې د ملګروملتو مرستندوی ماموریت (یوناما) هر کال بې جنجاله تصویب شوی دی.

684 total views, no views today

onesignal_meta_box_present:
onesignal_send_notification:
uuid:
8efaed80-8f4a-e8f2-f4de-c88ac1c5c6b5
response_body:
{"id":"20d4d274-c107-4ca4-a29f-ae794a4a42f8","recipients":746,"external_id":"8efaed80-8f4a-e8f2-f4de-c88ac1c5c6b5","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
746
notification_id:
20d4d274-c107-4ca4-a29f-ae794a4a42f8

Leave a Reply

Your email address will not be published. Required fields are marked *


۸