Categories

اعلان

Loading…

د سعودي د تېلو پر زېرمتونو له برید وروسته ټرمپ توند غبرګون ښودلی

تاند، دوشنبه، د سنبلې ۲۵مه: وروسته له هغې چې د سعودي پر تیلو بټیو د شنبې په ورځ بریدونه وشول، له برید وروسته اوس د امریکا ولسمشر ډونلډ ټرمپ دغې پېښې ته په لومړي غبرګون کې ویلي، که تایید شي چې دا برید چا کړی، نو واشنګټن پوځي ګام ته تیار دی.

ښاغلي ټرمپ پر خپله ټویټر پاڼه لیکلې ” د سعودي د تېلو د وړاندې کولو کرښې په نښه شوي، دلیلونه شته چې دا کار چا کړی دی. موږ د موضوع له تایید سره پوځي ګام ته تیار یو. خو منتظر یوو چې سعودي دا نظر وړاندې کړي چې د دوی په باور دا برید چا کړی دی او د کومو شرایطو له مخې ګام پورته شي”

د سعودي عربستان د ارامکو د نفتو لوی شرکت ویلي چې تر برید وروسته دغه هیواد د نفتو تولید په ورځني ډول ۵ اعشاریه ۷ ملیونه بېرلو ته راښکته کړی دی. له دې سره په نړیواله کچه د نفتو بیه په بېسارې ډول لوړه شوې ده.

سعودي د نړۍ ۱۰ سلنه تېل تولیدوي، که څه هم ددغه برید مسوولیت حوثي یاغیانو پر غاړه واخیست او ادعا یې وکړه چې د ۱۰ ډرون الوتکو په وسیله یې د عربستان د نفتو اصلي تاسیسات په نښه کړي دي.

خو د امریکا د بهرنیو چارو وزیر د شنبې په ورځ ویلي و چې تراوسه ایران پر عربستان سل بریدونه کړي او داسې کومه نښه نشته چې دغه برید دې د یمن له خاورې شوی وي.

امریکايي ورځپاڼه والسټریټ جورنال وايي، کارپوهان پر دې غور کوي چې د دې بریدونو تر شا ایران یا عراق کې د هغوی ملاتړي وسلوال لاس لرلی شي چې د ډرون په ځای یې کروز توغندي کارولي

د ایران د بهرنیو وزیر جواد ظریف دا ډول تورونه ردوي

393 total views, no views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸