Categories

اعلان

Loading…

پاکستان د افغان سفارت شارژدافیر احضار کړی

تاند، یکشنبه، د سنبلې ۲۴مه: د پاکستان د بهرنیو چارو وزارت پرون (شنبه) په دغه هیواد کې د افغانستان د سفارت شارژدافير احضار کړ.

د پاکستان د بهرنیو چارو وزارت په یوه بیان کې ویلي و پوځیانو یې پر ډیورنډ کرښه د اغزن سیم غځولو کار کاوه چې ډزې پرې شوي.

پاکستان ویلي په دغه پوله یې د برید له امله د افغانستان شارژدافیر ته خپل سخت اعتراض وړاندې کړی دی.

د پاکستان د بهرنیو چارو وزارت ویلي چې په دې ډزو کې درې پاکستاني عسکر وژل شوي او یو سخت زخمي شوی دی.

دوی همدا راز تور پورې کړی، چې پر سرتېرو بریدګر د افغانستان له پولې څخه ور اوښتي وو.

د پاکستان د بهرنیو چارو وزارت نن په یوه خپره کړې اعلامیې کې ویلي: ((پاکستان یاد برید غندي او د شوي هوکړې په اساس د پولې په اوږدو کې د امنیت د ټینګښت مسؤلیت د افغان حکومت په غاړه دی او افغانستان باید د دواړو هېوادونو ترمنځ د پولې په اوږدو کې د تر ګواښ لاندې سیمو د امنیت د ټینګښت په هدف لازم اقدامات تر سره کړي))

دا لومړی ځل نه دی چې د ډیورنډ د فرضي کرښې له دواړو غاړو په یو بل مرګوني بریدونه کیږي بلکې له دې وړاندې هم دلته پر یو بل بریدونه شوي او سخته مرګ ژوبله یې یو بل ته اړولي ده.

افغان حکومت تېره میاشت د ملګرو ملتونو امنیت شورا ته شکایت وکړ چې د پاکستان پوځيان د افغانستان پر ختیځو ولایتونو راکټي حملې کوي.

په ملګروملتونوکې د افغانستان سفیرې دا منیت شورا ته په استولي لیک کې لیکلي وو چې د پاکستان له لوري د اګست په نولسمه او شلمه یوازې پر شلتن ولسوالۍ دوه سوه راکټ ویشتل شوي دي

خو افغان حکومت تراوسه د پاکستان د وروستي تور په اړه څه نه دي ویلي.

885 total views, no views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸