Categories

اعلان

Loading…

بایډن عراق او افغانستان سره ګډوډ کړي وو

تاند(یکشنبه، د سنبلې ۲۴) امریکايي ورځپاڼې واشنګټن ایګزاماینر د اې بي سي نیوز (ABC News) په بحث کې د افغانستان په اړه د امریکا د ولسمشرۍ د انتخاباتو د دیموکرات ګوند د کاندید جوبایډن څرګندونې په جغرافیه کې د نوموړي د پوهې د کموالي ښکارندویې بللي دي.

ورځپاڼه وايي، پخوانی مرستیال ولسمشر او د ولسمشرۍ اوسني کاندید جو بایډن، چې په بهرنۍ پالیسۍ پوهېدا او په دې برخه کې تجربه د امریکا د ولسمشرۍ د ۲۰۲۰ کال په انتخاباتو کې د خپل قوت د ټکو په توګه مطرح کوي، د پنجشنبې د ورځې په بحث کې افغانستان او عراق سره ګډوډ کړل.

بایډن د اې بي سي نیوز د بحث د چلوونکي ډیوید مویر د دې پوښتنې په ځواب کې چې که امریکا له افغانستانه خپل ځواکونه وباسي نو هغسي تشه به رامنځته شي چې په عراق کې ولیدل شوه، وویل:

«زه په ځلونو افغانستان ته تللی یم او تر کومه ځایه چې معلومات لرم، امریکا نه شي کولی چې افغانستان په یو موټي هیواد بدل کړي…… دا ټولو ته څرګنده ده او تاسو (اې بي سي) هم پرې ډېر وخت پخوا راپور خپور کړی چې زه افغانستان ته د ځواکونو له لېږلو سره مخالف وم.»

د بایډن اشاره په ۲۰۰۹ م کال د ولسمشر اوباما له لوري افغانستان ته د ۴۰ زره اضافي ځواکونو لېږلو ته وه چې ده یې مخالفت کړی و. خو واشنګټن ایګزاماینر ورځپاڼه وايي چې له بایډن څخه د خبرو په دوام کې افغانستان او عراق ګډوډ شول، ویې ویل:

«افغانستان ته د ځواکونو د لېږلو اصلي هدف دا و چې له یاغیانو سره مبارزه ونه کړو یعني موږ غوښتل چې دا هیواد یو موټی کړو. دا هیواد سره یو کېدای نه شي. اجازه راکړئ چې ووایم هلته ۳ بېل بېل هیوادونه دي. درې ختیځ ولایتونه د پاکستان دي چې د حقاني شبکې په وسیله یې کنټرولوي. دا لړۍ به دوام وکړي.»

واشنګټن ایګزاماینر ورځپاڼه زیاتوي، حقاني شبکه د سُني سختدریځو یوه ډله ده چې له طالبانو سره ملګرې ده او امریکا په بهرنیو تروریستي ډلو کې شامله کړې ده. دا ډله چې په شمالي وزیرستان کې مېشته ده، له پولې اوړي او د افغانستان په ختیځو ولایتونو او کابل کې حملې کوي.

ورځپاڼه زیاتوي، افغانستان ۳۴ ولایتونه لري خو دا عراق دی چې عملاً په ۳ برخو وېشل شوی چې یوه برخه یې د عرب شیعه ګانو، بله د سُني عربانو او درېمه د کوردانو په لاس کې ده.

بایډن په خپله په درو برخو د عراق د تجزیې ملاتړ کاوه خو جورج بوش او بارک اوباما د ده دې وړاندیز ته اهمیت ورنه کړ.

په کارلټن پوهنتون کې د افغانستان د چارو متخصص سټیف سایډمن وايي، د افغانستان په اړه تراوسه هیچا د درو برخو یادونه نه ده کړې. ممکن د فدرالیزم مسله مطرح شوې وي خو د دې هیواد ولایتونه تر ۳۰ زیات دي او هیڅکله د ۳ ولایتونو یا درو ټوټو موضوع مطرح شوې نه ده.

«فکر کوم بایډن افغانستان له عراق سره غلط کړی دی.»

د امریکا د بهرنیو چارو وزارت پخوانی چارواکی او د امریکن پراګرس تحقیقاتي انستیتیوت غړی مکس بیرګمن وايي، بایډن لکه چې نوی کشف کړی.

ورځپاڼې ته سعد محسني ویلي «بایډن ته پکار ده چې په جغرافیه کې خپله مطالعه زیاته کړي خو په دې عمر کې به یې ډېر څه په ذهن کې پاتې نه شي.»

سکاټ شادین، چې د بوش د حکومت همکار و او په افغانستان کې د دوو امریکايی سفیرانو سلاکار پاتې شوی، وايي چې بایډن دا خبرې کټ مټ د عراق په اړه کړي دي. لکه چې افغانستان او عراق سره ګډوډوي.

1,150 total views, 2 views today

onesignal_meta_box_present:
1
onesignal_send_notification:
uuid:
00781659-a1b9-6d30-aab0-369113c2af5e
response_body:
{"id":"35591c3f-b352-4f21-ada5-8d00ef75a339","recipients":746,"external_id":"00781659-a1b9-6d30-aab0-369113c2af5e","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
746
notification_id:
35591c3f-b352-4f21-ada5-8d00ef75a339

1 comment

  1. babrak Reply

    زه حیران یم چی متمدن خلک څه ته وایي؟ امریکایان ځان د داریون د تکامل په داستان کې تر ټولو متمدن بولی او بیا دغسی خلک د دغو متمدنو جامعو مشران هم شي! ا
    که سمه خبره وشي نو دا د دنیا تر تولو غیر متمدنه خلک راته ښکاري! ځکه چې د امریکا او افغانستان عمر یو دی خو داسې مشران یې لکه جوبایډن! چې تر اوسه په تاریخ او جغرافیه نه پوهیږي! خو زه دومره ورته وایم چې د جو بایډن خبرې د نفاق د تخم کرل دي. بایډن باید په دی پوه وای چې چې دلته لوی ګیم مات شوی دی او دا دی د امریکا لوی ګیم هم و شرمیده!ا

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2