Categories

اعلان

Loading…

ملي امنیت د کابل د ۲۹ بریدونو طراحه او تر ټولو خطرناکه داعش شبکه ونیوله

تاند، پنجشنبه، د سنبلې ۲۱مه: د ملي امنیت ریاست په کابل کې د داعش ډلې تر ټولو خطرناکه ۳ کسیزه شبکه نیولې ده چې د کابل په ۲۹ بریدونو کې یې مستقیم لاس درلود.

 ملي امنیت په دې تړاو تاند ته استولې خبرپاڼه کې ویلي، د وچني اختر په ورځ پر ارګ د راکټونو ویشتلو پېښه، چارراهي قمبر کې د ملي اردو په مرکزونو د ۵ ځانمرګو ننه ایستلو پېښه، له ۵۰۰ فامیلیو څخه د امریکا پر سفارت د توغندي ویشتلو پېښه، د کابل ششدرک ته د ځانمرګي لېږلو او پر خبریالانو برید، د پل محمود خان ځانمرګی، د مارشال فهیم پر پوهنتون ځانمرګی برید، د عبدالعلي مزاري پر مصلی د هاوانونو ویشتلو پېښه، شهر نو پارک کې پر مظاهره چیانو ځانمرګی برید، د محمد محقق پر کور برید، د سیلو ساحه کې د محصلینو پر موټر برید، بره کي څلورلارې کې د حج اوقافو وزارت د مامورینو پر موټربرید، د معترضو مېرمنو وکیلانو پر خیمه برید، د خارجه وزارت پر ډیپلوماټانو د وزیر اکبر خان سیمه کې برید، د یوولسمې ناحیې پر امام زمان جومات برید، د ټاکنو کمېسیون مخته پر معترضو وکیلانو برید، د شهر نو پارک په مظاهره چیانو دوهم برید، د شکر درې ولسوالۍ پر مفتي نعمان برید، دهمزنګ کې د روښنايی غورځنګ برید، پلچرخي ته څېرمه د نیپالیانو پر موټر برید، کارته سخي کې د محرم پر عزادرانو ځانمرګی برید، پر ملي سوداګر حاجي رمضان برید، کابل کې د عراق پر سفارت د دوه ځانمرګو د بریدونو پلان، څلورم مکروریان کې د بهرنیانو پر کاروان برید، کورنیو چارو وزارت ته څېرمه د دریو ماینونو خښولو پېښه، پر سردارداوودخان روغتون برید، خیرخانه لب جر کې د جمعیت اسلامي پر غونډه برید، پر ۱۳مه امنیتي حوزه ځانمرګی برید او پر کابل هوايي ډګر توغندیز برید هغه ټول څه وو چې دغې ډلې پلان او ترتیب کړي وو او مستقیم لاس یې په کې درلود یا یې ځانمرګي ورته رسولي وو.

ملي امنیت ریاست وايي، دغه درې کسان محمد شریف، عبدالواحد او صابر نومېږي چې لومړي دوه کسان د دغو ټولو بریدونو اصلي طراحان وو او صابر به ورته د کابل له بوش بازار څخه نظامي وسایل رسول.

879 total views, no views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸