Categories

اعلان

Loading…

د القاعده مشر جهادیانو ته پر روس، اروپا، امریکا او اسراییلو د بریدونو امر کړی

تاند، چهار شنبه، د سنبلې ۲۰مه: د سپټمبر د بریدونو د اتلسمې کلیزې سره سم د القاعده مشر ایمن الظواهري پر مسلمانانو غږ کړی چې پر امریکا، اروپا، اسراييلو او روسیې بریدونه ترسره کړي.

 نوموړي د القاعده شبکې د رسنۍ صحاب له لارې په یوه خپره کړې ویډیو کې هغه جهادیان غندلي دي چې د سپټامبر د یوولسمې برید یې نه ستایلی یا یې په زندان کې دده په اند فکر اړول شوی او ویلي یې دي چې په دغو بریدونو کې ګواکې ملکيان وژل شوي وو.

نوموړي پر جهادیانو غږ کړی دی چې د امریکا، اسراييلواو غربي ګټو په اهدافو دې سخت بریدونه وکړي.

 دا په داسې حال کې ده چې ۱۸ کاله وړاندې د القاعدې ۱۹ غړو د امریکا ۴ الوتکې وتښتولې، دوه یې د نیویارک پر نړیوالو سوداګریزو مرکزونو وخېژولې، یوه پنټاګون سره ولویده او بله یې په پنسلوانیا کې هدف ته له رسېدو وړاندې نسکوره شوه، په دغو بریدونو کې د امریکا له ۳ زرو زیات وګړي ووژل شول.

له هغې وروسته امریکا په القاعدې شبکې پسې عملیات پیل کړل او افغانستان کې د جګړې له پيلولو لس کاله وروسته یې په ۲۰۱۱ کال د القاعدې مشر اسامه بن لادن ایبټ اباد کې وواژه.

خو اوس له همغه وخته د القاعدې مشري د ۶۷ کلن ایمن الظواهري پر غاړه ده، چې امریکا د ظواهري سره په څنګ کې د داعش په مشر ابوبکر البغدادي ۲۵ میلیونه ډالر انعام ایښی دی.

1,590 total views, no views today

onesignal_meta_box_present:
onesignal_send_notification:
uuid:
0397c92d-3c6a-2df3-53f0-d86cbcbfed13
response_body:
{"id":"142eacca-42f8-4331-911c-29e65df8c825","recipients":738,"external_id":"0397c92d-3c6a-2df3-53f0-d86cbcbfed13","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
738
notification_id:
142eacca-42f8-4331-911c-29e65df8c825

1 comment

  1. غلام حضرت Reply

    القاعده یوه استعماری او همدارنګه یوه استحماری پروژه ده چی همیشه ئې د مظلوم بشریت په ضرر او د استعمارګرانو د هیلو او ګټو مطابق کړنی تر سره کړی دی

Leave a Reply

Your email address will not be published. Required fields are marked *

۸