Categories

اعلان

Loading…

د حج او اوقافو وزارت د سرپرست او ملا تره‌خېل قضیه تر لویې څارنوالۍ ورسېده

تاند، چهارشنبه، د سنبلې ۲۰ مه: د افغانستان د لویې څارنوالۍ چارواکي وایي، د حج او اوقافو د سرپرست وزیر مولوي عبدالحکیم منیب او د ولسي جرګې د پخواني غړي ملا تره‌خېل محمدي ترمنځ د شوې لانجې دوسیه دوی ته رسېدلې ده.

د لویې څارنوالۍ ویاند جمشید رسولي رسنیو ته په استول شوې خبرپاڼه کې ویلي چې د حج اقافو وزارت د سرپرست او د ولسي جرګې د پخواني غړي ملا ترخیل قضیه لویي څارنوالۍ ته رسیدلې او د ښاغلي منیب قضیه به په جدي ډول وڅیړل شي.

د حج اوقافو وزارت سرپرست عبدالحکیم منیب ویلي وو چې تېره جمعه د ارګ په جومات کې ښاغلي محمدي او د هغه وروڼو ورته سپکاوی کړی او فزیکي حمله‌ یې پرې کړې وه.

تېره اوونۍ ولسمشرۍ ماڼۍ ویاند صدیق صدیقي رسنیو ته وویل چې ددې موضوع د څېړلو لپاره یو پلاوی ټاکلی.

اوس تازه د لویې څارنوالۍ ویاند جمشېد رسولي ویلي چې قضیه تر دوی رسیدلې او دا موضوع به په جدي ډول وڅېړل شي.

بل‌ خوا د ولسي جرګې پخوانی غړی ملا تره‌خېل ادعا کوي چې د حج او اوقافو وزارت سرپرست په خپل دفتر کې د دوی یو شمېر علماو او مؤکلینو ته سپکاوی کړی، خو اتهام‌ یې پر ده لګوي.

ملا تره‌خېل محمدي د ولسي جرګې په ۱۶مه دوره کې د کابل د خلکو استازی او د دغې جرګې د ۱۷مې دورې نوماند و چې د ټاکنیزو شکایتونو کمېسیون د غیر مسؤله وسله‌والو کسانو د درلودو په تور له لېست نه حذف کړ.

725 total views, no views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸