Categories

اعلان

Loading…

افغان ځواکونو  ۲ میاشتې پس له سرو زرو ډکه کران او منجان ولسوالي ونیوله

تاند، چهارشنبه، د سنبلې ۲۰مه: د دفاع وزارت مسوولین وايي، توانیدلې چې له دوه میاشتو وروسته د بدخشان ولایت کران او منجان ولسوالي نن سهار د امنیتي ځواکونو په هڅو له وسله والو طالبانو ونیسي.

په روانه اونۍ کې دا د بدخشان دریمه ولسوالي ده چې دفاع وزارت یې له طالبانو څخه د بېرته نیولو خبر ورکوي.

د د دفاع وزارت ویاند روح الله احمدزي نن سهار رسنیوو ته په استول شوي خبر پاڼه کې ویلې چې کران او منجان ولسوالي یې د هوايي او ځمکنیو عملیاتو پرمهال د ولسي پاڅونوالو په مرسته نیولې ده.

وسله والو طالبانو د دوه میاشتې مخکې کران او منجان ولسوالۍ تر یوې اونۍ نښتو وروسته نیولې وه.

ښاغلی احمدزی وایي، د دغه ولسوالۍ د بېرته نیولو پرمهال وسله والو طالبانو ته درنه مرګ ژوبله هم اوښتې ده خو ددې مرګ ژوبلې کره ارقام یې نه دي په ډاګه کړي

.
له دې وړاندې دفاع وزارت د بدخشان د وردوج او یمګان ولسوالیو د نیولو خبر هم ورکړی وه .

د بدخشان ولایت امنیتي مسوولین وایي په بدخشان ولایت کران او منجان کې د معدنو لوي کان شتون لري چې د طالبانو ډیری جګړه ددې لپاره ده چې دغه کان استخراج کړي.

د دفاع وزارت ویاند وايي، چې دا مهال یوازې د بدخشان د پنځو ولسوالیو په اطرافو کې طالبان حضور لري چې پر ضد یې عملیات روان دي.

طالبانو تراوسه د کران او منجان ولسوالۍ په اړه رسنیوو ته څه نه دي ویلې.

635 total views, no views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸