Categories

اعلان

Loading…

امریکا نن د ستمبر د یوولسمې د بریدونو ۱۸مه کلیزه لمانځي

تاند، چهار شنبه، د سنبلې ۲۰مه:امریکا نن د ستمبر د یوولسمې د بریدونو اتلسمه کلیزه په داسې حال کې لمانځي چې څو ورځې وړاندې یې د بې باورۍ او القاعده شبکې سره د اړیکو نه پرې کولو له کبله له طالبانو سره خبرې ختمې اعلان کړې دي.

۱۸ کاله وړاندې په همدې ورځ ۱۱ القاعده ترهګرو د امریکا د نیویارک پر سوداګریزو ودانیو دوه تښتولې الوتکې ټکر کړې او دریمه یې له پنټاګون سره ټکر کړه چې د دغو پېښو له کبله له ۳ زرو زیات امریکایان ووژل شول.

له دغو بریدونو لږه موده وروسته امریکا پر افغانستان بریدونه وکړل او د طالبانو حکومت یې القاعده مشرانو ته د پناه ورکولو له کبله ونړاوه.
امریکا افغانستان ته نږدې سل زره جنګیالي را استولي وو، خو له ۲۰۱۱ کال وروسته چې اسامه بن لادن د پاکستان په ایبټ اباد کې یوې پوځي چاوڼۍ ته نږدې ووژل شو، امریکا په افغانستان کې د سرتېر راکمولو ته متوجه شوه او اوس یې په هېواد کې ۱۴ زره پوځیان په ۹ اډو کې د امنیتي تړون په اساس پراته دي.

امریکايي چارواکي لا هم په افغانستان کې د القاعده شبکې په تړاو اندېښنې لري او پر طالبانو باور نه شي کولی چې له ترهګرو ډلو او القاعدې سره به اړیکې پرې کوي یا به طالبان له دغو پخوانیو ملګرو سره جګړه کوي.

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸