Categories

اعلان

Loading…

اسماعیل خان: حکومتي مشران واک نه لري، طالبان دې موږ سره خبرې وکړي

تاند، سه شنبه، د سنبلې ۱۹مه: پخوانی جهادي محمد اسماعیل خان پر امریکا توندې نیوکې کړې دي او زیاته کړې یې ده چې افغانستان اشغال شوی دی.

اسماعیل خان زیاته کړې چې طالبان باید د ټرمپ له څرګندونو درس واخلي او له پردیو سره دې د مذاکراتو پر ځای د هېواد له زړه سوانده سیاسي مشرانو سره د خبرو میز ته کېني.

نوموړي د هرات په مولانا تالار کې افغان حکومتي مشران بې واکه وبلل او تور یې لګولی چې یوازې امریکا د افغانستان د سولې، جګړې او راتلونکې په اړه پرېکړې کوي: (( ای طالبانو تاسې ځان مسلمانان او د اسلامي حکومت غوښتونکي بولئ، نور له خارجیانو سره مه ځئ چې زموږ لپاره پرېکړې کوي، راشئ د هیواد له واقعي مسلمانو مشرانو سره د افغانستان برخلیک وټاکئ او مذاکرات وکړئ.))

اسماعیل خان زیاته کړې دا مهال له اسمانه راورېدونکي امریکايي بمونه او د ځمکې له لارې د طالبانو په لاس کې پاکستانۍ وسلې یوازې بې ګناه ملکیان وژني، خو په وینا یې که بین الافغاني مذاکرات وشي د افغانستان ۴۰ کلن ناورین پای ته رسېدلی شي.

اسماعیل خان امریکا ته هم په ګواښ ویلي چې افغانستان ستاسو ځای نه دی: (( ۱۵ کاله پخوا مې هم درته ویلي وو چې تاسې دلته نه شئ پاتې کیدای، اوس هم وایم چې امریکایان نور په افغانستان کې ځای نه لري.))

اسماعیل خان په افغانستان کې هغه زورواکی جهادي قومندان بلل کېږي چې د حامد کرزي په دوره کې د اوبو او برېښنا وزارت څخه د ۲۰۰ میلیونه ډالرو په اختلاس تورن دی.

نوموړی لومړنی زورواک او جنګسالار و چې ولسمشر غني واک ته له رسېدو څخه وروسته یې د غني په خپله اصطلاح پلاستیکي ښکرونه ترې مات کړل.
نوموړی له همغه وخته د اشرف غني په سرسختي منتقد بدل شوی دی.

734 total views, 3 views today

onesignal_meta_box_present:
1
onesignal_send_notification:

2 comments

  1. Dr.Atal Reply

    آزموده را آزمودن خطاست، مؤمن له یوه سوری دوه ځلی نه چیچل کیږی.
    دهرچا ژوند او سوابق د هغی د ادعا د رد یا تایید لپاره تر ټولو ښه شاهد دی، نور ملت نه غولیږی او مؤمنانه زیرکتیا یی د سعادت ضمانت کوی ، نور حزبی ، قومی او نور جاهلی تعصبات بازار نلری ، یواځی اسلامی او ملی ګټی زموږ محوریت ګرځیدای شی او بس،ملت نور مؤمن خادمان غواړی نه فاسدانحصارګر ،معامله ګر او د جهاد غله.

  2. Sayed Hashimi Reply

    May Allah sink and fall-in-over him & put end to his power forever. Amin

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2