Categories

اعلان

Loading…

جغتو عامه کتابتون پرانستل شو

راپور: حبیب وقار  

د روان ۱۳۹۸ هجري لمریز کال د وږي د میاشتې په ۷ مه نېټه د پنج شنبې په ورځ د وردګو ولایت، جغتو ولسوالۍ اړوند غازي محمد جان خان عالي لېسه کې  (جغتو عامه کتابتون) پرانستل شو.

د ښاغلي مجیب الرحمن محمودي په هلوځلو او ځینو خیر غوښتونکو کسانو په مرستو سره د یاد کتابتون بنسټ کېښودل شو، په دغه پرانیست غونډه کې د غازي محمد جان خان ښوونځي د ښوونکو او زده کوونکو تر څنګ د خدای نظر خان ښوونځي آمر او ځینو ښوونکو، د جغتو کثیر الرشتوي انستیتوت آمر او ښوونکو او همدا شان د سیمې ځينو مخورو برخه اخیستې وه.

پرانیست غونډه د قرآن عظیم الشان د څو مبارکو آیاتونو په تلاوت سره پیل شوه، ورپسې د کتابتون او کتاب لوستنې د ارزښت په اړه خبرې وشوې او له ټولو هغو کسانو مننه وشوه، چې د یاد کتابتون په جوړولو کې یې مرستې کړې دي او یا له دې وروسته مرسته کوي. په ځانګړې توګه د ښاغلي ننګیالي اتل او ښاغلي انجینیر محمد داود عمري د نومونو یادونه وشوه، چې له دغه کتابتون سره یې زیات شمېر علمي او مسلکي کتابونه مرسته کړې وه. د ویناوالو لخوا نور خلک هم له یاد کتابتون سره مرستې ته را وبلل شول.

په یاد کتابتون کې په مختلفو مجلو سربېره د تفسیر، احادیثو، عقایدو، سیرت، ساینسي علومو، ادبیاتو، تاریخ، اخلاقو، ټولنپوهنې، سیاست او نورو برخو اړوند شاوخوا (۶۰۰) ټوکه ګټور کتابونه د مطالعې لپاره اېښودل شوي دي.

د یادونې وړ ده، چې ښاغلي محمودي له ۱۳۹۲ هـ ل کال راهیسې د خلکو د عامه پوهاوي د کچې د لوړتیا په موخه په بېلا بېلو کلیوالي سیمو کې د عامه کتابتونونو په جوړولو پیل کړی دی او له ځینو کسانو څخه دغو کتابتونونو ته کتابونه او مرستې راټولوي، چې تر اوسه یې د یو شمېر کسانو په مرستو سره د یوولسو (۱۱) عام المنفعه کتابتونو بنسټ اېښی دی او لا هم دغه ټولنیز او علمي خدمت ته دوام ورکوي.

404 total views, 3 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2