Categories

اعلان

Loading…

طالبانو سرپل کې د عشر نه ورکولو له کبله یو بزګر وژلی

تاند: د سرپل ولایتي چارواکي وايي، طالبانو په دغه ولایت کې یو بزګر دغ‌ې ډلې ته د خپل پټي له غلې دانې څخه د عشر د نه ورکولو په ګناه وژلی دی.

د سرپل د والي ویاند ذبیح الله اماني وايي، پیښه پرون ماسپښین د سرپل ولایت په مرکز مغل کلي کې شوې او طالبانو د سیدعبدالله په نوم یو بزګر د عشر نه ورکولو په جرم په ډزو ویشتلی دی.

د چارواکو په وینا طالبانو څه موده وړاندې هم د هغو بزګرانو پر یو درمند ډزو کې درې کسان وژلي وو چې دوی ته یې له باج ورکولو انکار کړی او د محلي پولیسو قومندان یې پرې راخبر کړی و.

مسوولان وايي، طالبان د سرپل هغو سیمو کې چې تر واک او نفوذ لاندې یې لري له خلکو څخه په زوره عشر ټولوي.

خو د طالبانو ویاند ذبیح الله مجاهد بیا په سرپل کې د بزګر د وژلو خبر رد کړی دی.

313 total views, no views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *


۸