Categories

اعلان

Loading…

ناټو: له سولې وروسته هم د افغان ځواکونو ملاتړ کوو

تاند: په افغانستان کې د ناټو ملکي استازي نیکولاس کې یو ځل بیا ویلي چې ناټو به د سولې تر هوکړې وروسته هم د افغان ځواکونو ملاتړ ته ادامه ورکړي.

نوموړي ویلي د سولې تر هوکړې وروسته به هم د ناټو ځواکونه په افغانستان کې وي او د افغان ځواکونو ملاتړ ته به ادامه ورکوي.

نیکولاس کې په خپلو خبرو کې اندیښنه ښودلې چې لا هم افغانستان د ترهګریزو ډلو له فعالیت څخه پاک نه دی او د دوی تعهد دا دی چې تر هغه به په افغانستان کې پاتې کیږي تر څو په افغانستان کې دا خطر له منځه لاړ شې چې دلته نورې تروریستې ډلې نشته .

دا خبرې په داسې حال کې کیږي چې ټاکل شوې په نږدې ورځو کې په دوحه کې د امریکایي او طالب استازو ترمنځ د سولې هوکړه لیک امضا شي.

له دې وړاندې د امریکا ولسمشر ډونالډ ټرمپ هم ویلي وو چې له افغانستانه د خپلو سرتیرو وتلو ته هیڅ بیړه نلري او د اړتیا په صورت کې به خپل ځواکونه له افغانستان وباسي

تازه تیره ورځ د ولسمشرۍ ماڼۍ ویاند صدیق صدیقي په یوه خبرې ناسته کې خبریالانو ته وویل چې دوی لا هم د بهرنیو ځواکونو شتون ته اړتیا لري.

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸