Categories

اعلان

Loading…

نوې ټاکنیزې معاملې: عبدالله د اجرائیه ریاست څوکۍ لیلامۍ ته وړاندې کړې

تاند، شنبه، د سنبلې ۲مه: د هزاره ګانو د حزب وحدت او محقق ته نږدې یوه سرچینه وايي، ډله یې له ډاکټر عبدالله سره په کوم کوچني تعامل نه ده یوځای شوې بلکې عبدالله ورسره د محقق لپاره د اجرائیه ریاست څوکۍ منلې ده.

د ثبات او همګرايي له ډلې څخه تازه په تازه یوه جلا شوې سرچینه هم تاییدوي چې عبدالله عبدالله د اجرائیه ریاست د څوکۍ په تړاو څو لوریو سره وار له مخې معاملې کړې دي او تړونونه یې ورسره لاسلیک کړي دي.

دا سرچینه وايي، د اجرائیه ریاست لپاره لومړی تړون او معامله د افغان ملت ګوند د انشعابي ډلې له مشر انوارالحق احدي سره شوې، دغه راز عبدالله عبدالله د صلاح الدین رباني له لارې د عطا محمد نور د پخلا کولو هڅې هم پیل کړي او ورته یې ویلي دي چې که له ډلې سره یې یو ځای شي نو د اجرائیه ریاست باصلاحیته څوکۍ یې تیاره ورته ساتلې ده.

سرچینه زیاتوي، عبدالله هڅه کوي د احمدولي مسعود ډلګۍ هم د ځانګړي باصلاحیته استازي د څوکۍ په بدل کې واخلي، خو تر ټولو وروستۍ معامله یې له محمد محقق سره کړې ده چې د عبدالله او انوارالحق احدي تر منځ یې اختلافات پیدا کړي دي.

د حزب وحدت یوه سرچینه وايي، محقق له عبدالله سره د یو تړون له مخې یو ځای شوی دی چې په راتلونکي کې به نه یوازې اجرائیه ریاست له پوره صلاحیتونو سره ورسپاري بلکې ۸ مهم وزارتونه به هم هزاره ګانو ته ورکوي.

د سرچینې په وینا دا به البته له هغې برخې جلا محقق ته ورکول کېږي چې له کریم خلیلي او اسدالله سعادتي سره یې د ثبات او همپالنې د ډلې لخوا هوکړه شوې ده.

د عبدالله له ډلې څخه تازه وتلې سرچینه هم د نوم نه ښودلو په شرط تاند ته وايي، د محقق او عبدالله تر منځ معامله له هغې هوکړې جلا ده چې له کریم خلیلي سره دې ټاکنیز ټیم کړېده: ((اوس انوارالحق احدي له عبدالله سره په جنجال دی، عبدالله ورته ویلي چې افغان ملت ګوند ته به مالیې وزارت وسپاري او هیڅوک به په کې کار نه لري، خو اوس له اجرائیه ریاست څخه تېر شه.))

دا په داسې حال کې ده چې ولسمشر غني ویلي، تېر ځل ټاکنو کې یې اجرائیه ریاست یو مجبوریت و او په دې سره یې د کورنۍ جګړې مخه ونیوله.

ولسمشر غني وايي، اجرائیه ریاست متاسفانه په یو چیلک انداز ادرس بدل شوی او په راتلونکي حکومت کې به یې نه دا څوکۍ موجوده وي نه به یې په تړاو له چاسره معامله وکړي.

2,834 total views, 5 views today

onesignal_meta_box_present:
1
onesignal_send_notification:

4 comments

  1. سلیم Reply

    هههههه اجراییه ریاست یو غوړ هډوکی وچې ۵ کاله مخکې حاجی جان کیري عبدالله ته واچولو چې پرې غلی شي. اوس عبدالله د هماغه غوړ هډوکي یو عکس ځآن سره لري کله یې احدي ته، کله محقق او نوروموجوداتو ته ورښکاره وي او دوی په تش عکس ورټوپ کي یوبل سره داړي

  2. Aslem Reply

    Very bad people and extremely bad politicians. Afghan people are so unlucky to have such hypocritical leaders. Shame and shame !

  3. Rohullah Reply

    دا وزارتونه لخو څه د عبدالله د پلاد ندي چې هر چاته يې بنډل بنډل منلي، يو ځل تېر تاريخ وګور.

  4. غلام حضرت Reply

    سلام
    په اکاډُمیکه نړی کی استاد معمولاً هغه چاته ویل کیږی چه د تدریس صلاحیت او لیاقت ولری
    امّا د موسیقی په نړی کی شاید د استاد د لقب اِعطاء یو بل تعبیر او بله بڼه او بل پړاؤ ولری
    زما په نظر د ساز او آواز خصوصاً آواز استاد هغه څوک دی کوم چی مخلص مینه وان ولری یا داسی هم ویلای سو هر مینه وال ته د خپلی خوښی سندر غاړی یو استاد دی
    ما د مرحوم استاد غلام نبی نتو نوم اوریدلی ؤ خو ږغ او سندری می نه وی اوریدلی او که می اوریدلی هم وی پاملرنه او ځیرتیا او مینه می نه ده ورسره درلودلی
    کومه ورځ می په یوتیوب کی په ناڅاپی توګه د استاد نتو پر عکس او البوم سترګی ولګیدی
    د بوډاتوب عکس ئې ایښودل سوی ؤ
    یوه سندره می انتخاب او وا می وریده
    ډیر خوند ئی راکړ هم ئی آواز او هم ئی شعر او هم ئی موزیک ډیر خوندور دی
    د سندری لومړی بیت ئی دا دی
    چون میګذرد عمر چه شیرین و چه تلخ
    او د سندری وروستی څلور بیتونه ئی ډیر خوندور او انتباهی دی چی زه ئی فقط د پښتو دقیقه ژباړه ! درته وړاندی کوم
    وبخښی ژباړه نه بلکه د بیتونو تفسیر
    توصیه کوم چی حتماً د مرحوم نتو نوموړی سندره واوریده سی کومه چی د نن ورځی او پرون ورځی او حیا دی وی وړمی ورځی د سیاسی رهبرانو حال ئې مصور کړی دی
    په سیاسی لوبو کی د اخته لوبغاړو خصوصاً د پورته مقالی په زاویه کی د پرتو څیرو سرنوشت به د استاد نتو د سندری د وروستیو څلورو بیتونو یو بشپړ مصداق وی
    خو ددی بیتونو تفسیر او توضیح به ممکن دا وی چی
    که د عبدالله جان په څنګ کی د پښتون احدی شتون فقط یوه غولوونکی معامله وی او همدارنګه که
    د اشرف غنی په څنګ کی د هزاره دانش او تاجک صالح شتون فقط یوه غولوونکی معامله وی نو معنی به ئی داوی چه موږ د سالم ملت د سالمی روزنی د لیاقت څخه بی برخی یو
    هیله ده د قومونو او تبارونو تر منځ مصلحتی او مؤقت ملی احساسات کومه ورځ په رښتینی ملی ورورکلوی بدل سی

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2