Categories

اعلان

Loading…

سپین‌غر ادبي بهیر د اوونیزې ادبي ناستې راپور

راز خوږیاڼی

نېټه:  ۱۳۹۸ د وږي لومړۍ

سپین‌غر ادبي بهیر یارانو خپله دروېشتمه(۲۳) اوونیزه ادبي ناسته وکړه، یاده ناسته چې پۀ خوږیاڼیو کې د سپین‌غر ادبي بهیر د غونډو پۀ تالار کې ترسره شوه، د دریځ چارې یې د رحیم الدین “رحیمي” سره وې او  د قاري مطیع الله “میاخېل” لۀ خوا د قرانکریم د څو مبارکو ایاتونو پۀ تلاوت پیل شوه.

د مشر مېلمه څوکۍ خوشال “دراني” ته ځانګړې شوې وه، چې د کوربه پر څوکۍ ورسره ددې بهیر مشر محمد صدیق “خوږیاڼي” ملتیا کوله.

د تېرې ناستې راپور د راز خوږیاڼي لۀ خوا واورول شو، چې لۀ اورولو وروسته ځینو ګډونوالو پۀ راپور خپلې نیوکې او وړاندیزونه شریک کړل، چې پۀ راتلونکې کې ورته راپور لیکوونکی پاملرنه وکړي.

عمران “تسل” وویل، که راپور کې د میاشتې نوم ولیکل شي لا بۀ ښۀ شي.

خوشال “دراني” وویل راپور ډېر ښکلی وو، خو پۀ پای کې د دعا اورول راوړل شوي وو، چې پر ځای یې باید د دعا غوښتل لیکل شوی وی، بل دا چې پۀ لوستلو کې ځينې توري پۀ سم ډول ونۀ لوستل شول، راتلونکې کې دې ته هم پام وشي.

د پیلیزې وینا لپاره د بهیر مشر محمد صدیق “خوږیاڼی” دریځ ته راوغوښتل شو، هغه د خپلو خبرو پۀ سر کې لۀ ټولو گډونوالو غوښتنه وکړه که پۀ راپور لنډ نظرونه ورکړل شي ښه بۀ وي، چې مشاعره ژر پیل شي او ټولو ته د شعر اورولو نوبت ورسېږي، خوږیاڼي د بهیر د ټولو ګډونوالو پۀ استازولۍ لۀ خوشال”دراني” ځانګړې مننه وکړه چې د بهیر د تېرې اوونۍ راپور یې ډېرو وېبپاڼو ته د خپرولو پۀ موخه استولی وو.

لۀ وینا وروسته د سید محمد کریم سادات پۀ شعر کره کتنه وشوه، چې گڼو گډونوالو یې پۀ اړه نیوکې، وړاندیزونه، ښېگڼې او نیمګړتیاوې لۀ شاعر سره د سمون پۀ موخه شریکې کړې، چې سادات هم پۀ خپل وار لۀ ټولو ځانګړې مننه وکړه.

لۀ کره کتنې وروسته ازاده مشاعره وشوه چې هر یو استاد “شمشیر” رحیم الله “ارماني” مسکینیار “دانش” احمد “یون” جمشېد “تکل” محمد غوث “نوري” سنګر “جانان‌خېل” شریف الله “خاکسار” سید محمد کریم “سادات” راز “خوږیاڼي” محمود “نظري” احمد “نظري” عبدالحمید “حلیمي” وسیع الله “ګوهرخېل” هدایت الرحمن “ډاډ” عمران “تسل” بریال “وزیروال” پروېز “نوري” برکت “اسیر” روح الله “صمیم” امدادالله “حقمل” عارف الله “نېکمل” نثاراحمد “سېلاب” شېربهادر “عابد” بشیراحمد “حقیار” قنداغا “سهار” شېربهادر “طاهري” حمیدالله “خوږمن” امین الله “زهیر” محمد عارف “خوږیاڼي” هارون “نوراني” او خوشال “دراني” پکې خپل او د نورو شاعرانو انتخابي شعرونه د ناستې ګډونوالو ته واورول، چې د ګډونوالو لۀ خوا یې پۀ تودو چکچکو هر کلی وشو. یاده دې وي چې مشاعره د ځینو ترنم ویونکو خوږو او شرنگېدلو ترنمونو لا خوندوره او پۀ زړۀ پورې کړې وه.

لۀ ازادې مشاعرې وروسته د غونډې مشر مېلمه خوشال “درانی” د ارزونې لپاره دریځ ته راوبلل شو.  دراني پۀ خپلو خبرو کې وویل ،غونډه تر پایه خوندوره او پۀ زړۀ پورې وه او د لا ښۀ والي لپاره څو وړاندیزونه دي چې باید پۀ راتلونکو نورو غونډو کې ورته پاملرنه وشي، غونډه باید پۀ خپل ټاکلي وخت پیل شي او ټول ملګري پۀ خپل ټاکل شوي وخت ورته حاضر شي، ویاند باید د غونډې پۀ اړه خپل قضاوت وړاندې نۀ کړي، ټولو ګډونوالو ته پۀ یو ډول بلنه ورکړي، ځینو ته د تشریفاتي کلمو لۀ راوړلو باید ډډه وکړي، یوه اوونۍ باید لیکچر وړاندې شي او بله اوونۍ کره کتنه وشي او پۀ کره کتنه کې باید د نظم تر څنګ نثر برخې ته هم پاملرنه وشي، دراني د خپلو خبرو پۀ پای کې ژمنه وکړه چې راتلونکې اوونۍ بۀ د معیاري او سمو کلمو پۀ اړه د بهیر ګډونوالو ته لیکچر وړاندې کوي. یاده ادبي ناسته غرمه مهال د استاد محمد رازق ځلاند پۀ دعایه پای ته ورسېده.

364 total views, 3 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2