Categories

اعلان

Loading…

هندي ستوربېړۍ به ژر پر سپوږمۍ کښېني

تاند- هند د جولای په میاشت کې له ټاکلي وخت یوه اوونۍ په ځنډ د سپوږمۍ جنوبي قطب ته ستوربېړۍ یا لنډر ولېږه.

تردې وړاندې د سپوږمۍ دې برخې ته هیڅ ستوربېړۍ نه وه استول شوې.

له پروګرام سره سم به هندي ستوربېړۍ د جمعې په ورځ یا د راتلونکې اوونۍ د شنبې په ورځ له ۳۸۴۰۰۰ کیلومتره مزل او ۴۸ ورځو وروسته سپوږمۍ ته ورسېږي.

ساینسپوهان باور لري چې د سپوږمۍ په جنوبي قطب کې د ۴ ملیارد کلونو پخوانۍ تیږې شته.

په پیل کې هند ویلي و چې د دغه هیواد د چاندریان ۲ (Chandaryaan2) ستوربېړۍ ماموریت به د سږ کال د جولای له ۹ تر ۱۶ پورې پیل شي خو د جولای ۲۲ ته وځنډېده.

تر دې وړاندې په پام کې وه چې هند خپله دا ستوربېړۍ په اپریل کې واستوي.

د هند د فضايي تحقیقاتو اداره وايي، د سپوږمۍ د جنوبي قطب لور ته خپله ستوربېړۍ په دې خاطر څو میاشتې په ځنډ لېږي چې د هغې د ازمېښت په وخت ځینو ستونزو ته متوجه شول.

له دې ماموریت سره به له امریکا، روسیې او چین وروسته هند په نړۍ کې څلورم هیواد شي چې سپوږمۍ ته ستوربېړۍ لېږي.

دا لومړی ځل دی چې د هند ستوربېړۍ سپوږمۍ ته استول کېږي.

ټاکل شوې ده چې هندي ستوربېړۍ د سپوږمۍ جنوبي قطب ته نژدې کښته شي. حاضردمه د سپوږمۍ په دې برخه کې هیڅ اکتشافي عملیات نه دي شوي.

په دې تصویر کې د امریکا، روسیې، چین د ستوربېړیو د کښېناستو ځایونه وینئ. مربع شکلونه هغه ځایونه دي چې لا سپوږمکۍ نه دي وررسېدلي خو په پام کې ده چې ورولېږل شي. لاندې ژېړ رنګه مربع د هندي ستوربېړۍ د کښېناستو ځای دی. روسیه هم غواړي چې د هند څنګ ته ستوربېړۍ کښېنوي

ساینسپوهان باور لري چې دا سیمه څلور ملیارد کاله پخوانۍ ده او ښايي د اتومي انرژۍ لپاره ارزښتناک مواد پکې وي.

تر دې وړاندې ټولې استول شوې ستوربېړۍ د سپوږمۍ د استوا کرښې ته په نژدې سیمه کې کښېنستي دي.

هند لومړنۍ ستوربېړۍ، چې چاندریان ۱ نومېده، په ۲۰۰۸ کال فضا ته واستوله خو یو کال وروسته یې ورسره ارتباط پرې شو.

830 total views, no views today

onesignal_meta_box_present:
1
onesignal_send_notification:
uuid:
dccd3b75-e230-03f4-8e54-2085d0ba13e5
response_body:
{"id":"d63307cf-c7b0-486d-9ba3-bf899f2751be","recipients":693,"external_id":"dccd3b75-e230-03f4-8e54-2085d0ba13e5","warnings":["You must configure iOS notifications in your OneSignal settings if you wish to send messages to iOS users.","You must configure Android notifications in your OneSignal settings if you wish to send messages to Android users."]}
status:
200
recipients:
693
notification_id:
d63307cf-c7b0-486d-9ba3-bf899f2751be

Leave a Reply

Your email address will not be published. Required fields are marked *

۸