Categories

اعلان

Loading…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو مراسمو پرانیسته.

ټاکل شوې وه چې د دې ودانۍ پرانیسته د اسد په ۲۸مه وشي، خو د یکشنبې په شپه د شهر دوبۍ پر هوټل د برید له کبله دا مراسم ۳ ورځې وځنډول شول او نن په شاندارو مراسمو سره د غازي د لاس نښه او بیا رغول شوې وداني ونمانځل شوه.

په دې ویاړ جوړو شویو مراسمو ته د غازي امان الله خان لور شهزادګۍ هندیه وویل، له خپلواکۍ اخیستلو وروسته یې دپلار یوازنۍ وینا داوه چې نور باید توره کېږدو، او قلم راواخلو، ځکه چې د غازي په وینا یو بې سواده ملت هیڅکله خپلواک کېدای نه شي.

شهزادګۍ زیاته کړه، کله چې افغانستان نظام نامه جوړوله، شاوخوا هېوادونو قانون او اساس نامه نه لرله: (( غرب بیا خپل قوانین ۳۰ کاله وروسته له غازي څخه جوړ کړل، موږ هغه وخت له نورې نړۍ هم مخکې وو.))

شهزادګۍ زیاته کړه، پلار یې له سیمې سره د سفارتي اړیکو د پیاوړتیا په خاطر ترکیې او ایران ته د سفارتونو لپاره خپله ځمکه وبخښله او ګڼو هيوادونو لپاره یې د سفارتي کارونو د مخته وړلو په خاطر ځمکې وپېرلې: (( د دارالامان ماڼۍ په رغول کېدو خوشاله شوم، دا د افغانانو لپاره لوی سمبول دی، ولسمشره تاته د خپل پلار جان یوه خبره کوم شاباس افرین))

د یادونې ده چې دارالامان ماڼۍ د افغاني انجینرانو په لاس او ۱۰۰۰ افغان کارګرو لخوا بیرته ورغول شوه چې نقشه او ټولې چارې یې افغانانو مخته وړې دي.

د اماني دورې له ۳۰ زیاتې ماڼۍ د خپلواکۍ د سلمې کلیزې په ویاړ د ولسمشر غني په امر بیرته ورغول شوې.

2,230 total views, no views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2