Categories

اعلان

Loading…

د کابل خونړی برید چا وکړ؟ طالبان ولې انکار کوي؟

عبدالمنان توحیدیار

ځينې شونې ده فکر وکړئ چې د ذبیح الله مجاهد ردول به طالب ته برأت ورکړي چې په کابل کې د واده پر مراسمو برید دوی نه دی کړی، شونې ده د نن ورځې تر پایه طالب ددې برید امتیاز د داعش او نورو ترهګرو ډلو په ګډون کومې بلې ډلې ته ورکړي.

خو هغه څه چې ښکاره دي ورته ټول وحشیانه بریدونه چې ملکي وګړي پکې تلف کيږي او پر حکومت ددې له امله چې امنيت نشي نيولی، کشفي ادارې کمزورې دي، سوله باید وشي او …. فشار راوړي. دا چې په وروستیو ورځو کې ډنډورې خورې وې چې نور امریکا پر طالبانو بریدونه نه کوي خو برعکس پر طالبانو د افغان ځواکونو چاپې ډيرې شوې او دوی يي وارخطا کړل طالبانو ته دا خبره ثابته شوه چې که امریکا عملیات او برید هم ونکړي په نظام کې هم دا قوت شته چې په تر ټولو لرو پرتو سیمو کې پر دوی چاپې ووهي.

طالبان په ډير شدت سره کار کوي چې عامه اذهان د ځان په ګټه را وڅرخوي، په افغانستان کې د ننه ان په هغه سیمه کې چې طالب پکې واکمن دی هم ذهنيت د طالب پر ضد دی، د نظام مزایاوې خلکو لیدلي دي له دې امنيتي او اداري ستونزو سره سره هرچیرته چې ولس سرتیري ويني او د نظام بیرغ ويني د سکون احساس کوي خو برعکس په هره لاره چې طالبان، داعش او نور ترهګر تيريږي هر سړی ډاریږي چې داسې نه شپه راکره وکړي، د دولتي کارکونکي او جاسوس په نوم مې سر غوڅ نکړي، ډوډۍ رانه ونه غواړي او بې عزته مې نکړي.

په کابل کې د بیګاه شپې برید تر ډيره تیرو پيښو ته په کتو له طالبانو پرته بل هيڅ چا هم نه دی کړی، دوی غواړي يو ډول عامه ذهنیت ته دا وښيي چې حکومت ددوی پر وړاندې نشي دریدای او که احيانا ودريږي شونې ده تر دې ډير قتل عام وکړي،طالبان چې کله هم برید کوي حالت ته په کتو مسولیت اخلي، پر انټرکانټيننټال هوټل د وړم کال برید دولس ساعته طالبانو پر غاړه وانخیست خو چې کله پوی شول چې لږ تر لږه ملکي بهرنیان پکې شته دستي يي مسولیت واخيست،په پل محمود خان کې پر برید هم تر ډيره چوپ وو خو وروسته يي چې مسولیت واخيست او په پای کې پوی شول چې اصلی هدف يي نه دی ويشتلی او زیان ملکي وګړو ته اوښتی دی کابل ميشتي مبلغین يي لګیا وو چې ذهنيت بل لوري ته کړي.

په وروستیو ورځو کې هره شپه تقریبا تر سلو ډير بریدونه پر طالبانو کيږي په کوټه کې پر هبت الله برید، په کندهار کې د صدرابراهيم وژل کیدل او د سولې په تړاو د دوی تر منځ خپل منځي ستونزې هغه موارد دي چې هر افغان يي په اړه پوښتنه کوي،ولس خو څه کوي وسله په لاس طالب هم اوس په دې فکر کوي چې زه کوم ارمان ته لګیا ووم او څه راسره روان دي، دوی پر مطلق ملکي ځای د ورته برید په کولو سره غواړي تبليغاتي مسير بدل کړي، غواړي د کوټې برید هیر شي، غواړي پر دوی شپنۍ چاپې او مرګوني تلفات يي د جنګيالیو ذهني توازون ګډ وډ نکړي.

موږ ته په کار دي چې د وخت حساسيت ته په کتو له دې سره سره چې د شپيته تنو شهادت او د يو نيم سلو ټپي کيدل آسانه نه دي چې وزغمل شي خو خبره باید داسې وکړو چې د سرتیرو پر روحيه اغيز ونکړي او پر ترهګرو راغلی فشار کم نه کړي.

د جګړې رواني اړخ په ډير جديت سره طالبانو بایللی دی، که د داعش تبلیغاتي پاڼې وګورئ طالب نور دوی ته ځواب نلري او په ډيرو ولايتونو کې له ډيرو طالبانو سره پاکستان مخکې له مخکې لا خبرې روانې کړي دي چې که له امریکا سره احیانا د سولې تړون وشو ستاسو انتخاب باید داعش، لشکر طيبه، القاعده اونورې ترهګرې ډلې وي او که ثبوت غواړئ له سعد امارتي بیا تر مولوي اسلم فاروقي او دې نورو داعشیانو پورې يي در حساب کړئ چې ټول طالبان وو او د داعش په ننګه يي ځينې وژل شوي دي او ځينې لاهم لګيا دي او جګړه کوي.

د وخت حساسيت مه هيروئ په کوټه کې پر طالبانو برید مهم مورد دی، د دوی چيغې او وارخطايي هر طالب په دې پوی کړی دی چې وروستۍ پريکړه دوی نه بلکه هغه کوي چې امارتي ايډيولوژي يي رامنځ ته کړې، پردۍ ميندې يي بورې کړې، ورور يي له ورور سره او کلیوال يي له کلیوال سره په بدي واړاوو.

استخباراتي جګړې ورته ناولتوبونه لري، هغه طالبان چې نن په کابل کې ناست دي، موټرې، کورونه، دفترونه او شاهانه ژوند لري، هغه طالبان چې په قطر کې  سره او سپين ګرځي او وروستي ماډل موټران يي تر پښو لاندې دي دوی دا امتيازات په کار، تجارت او حلاله هڅه نه دي ترلاسه کړي بلکه دا هغه استخباراتي ناولې پيسې دي چې زموږ د وژنې او قتل عام په بدل کې دوی او د دوی په شان پردي پالو ته ورکول کيږي.

581 total views, 2 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2