Categories

اعلان

Loading…

د خپلواکۍ سلمه کلیزه د کابل د غمیزې په سیوري کې تېره شوه

تاند، سه شنبه، د اسد ۲۹مه: د خپلواکۍ سلمه کلیزې ته که څه هم بې ساري تدابیر نیول شوي وو، خو د کابل د شپږمې ناحیې پر واده له برید وروسته دا وار د اسد ۲۸مه نسبتا د غم او خاموشۍ په فضا کې ونمانځل شوه.

پرون په دغه ورځ کابل کې کلک تدابیر نیول شوي وو، ولسمشر هم خپله غمجنه وینا وکړه او په کابل کې د امریکا او اروپا د سفیرانو په شمول د نړۍ د ګڼو هېوادونو استازو افغانانو ته د دغې ورځې مبارکي وویله.

دولتي چارواکي وايي، که دا برید نه وای شوی نو د هېواد په اووه زونونو کې په دولتي کچه د خپلواکۍ د سلمې کلیزې نمانځنې او جشنونو ته پراخې تابیاوې نیول شوې وې.

لوګر، کندهار، ننګرهار، هرات، بلخ، بامیان او هلمند هغه ولایتونه وو، چې د چارواکو په وینا دوی خاص مراسم په کې پلان کړي وو.

د جشن د نمانځنې لپاره پوهنې وزارت، حج و اوقافو وزارت، اطلاعاتو او فرهنګ وزارت، د بهرنیو چارو وزارت، د سیمه ییزو ارګانونو ادارې او ملي ټلویزیون ته ۱۳۰ میلیونه افغانۍ تر اوسه ورکړل شوې وې.

دغه راز د کرنیزو او صنعتي نندارتونو تر څنګ د سلو فلمونو د نندارې فسټیوال هم چمتو شوی و، چې ټولو پروګرامونو ته ۳۸۴ میلیونه افغانۍ په نظر کې نیول شوې وې.

خو د یکشنبې د شپې برید چې په کابل کې یې ۶۳ هېوادوال ووژل او ۱۸۳ نور یې ټپیان کړل، د دې لامل شو چې حکومت هر څه وځنډول او د ارګ ویاند صدیق صدیقي پر خپله ټویټر پاڼه ولیکل چې ان د دارالامان ماڼۍ د پرانیستې مراسم هم ځنډول شوي دي.

خو په ولسي کچه بیا هم زابل، هرات، ننګرهار، غزني، لغمان، کونړ، بلخ او هلمند کې د خپلواکۍ د ورځې پراخه نمانځنه وشوه.

ننګرهار کې بیا چاودنو نږدې ۷۰ نه زیات کسان ټپيان کړل او په لغمان کې هم د خپلواکۍ د جشن په مراسمو راکټي برید ۶ کسان ټپیان کړل.

خو له هېواده بهر بیا د خپلواکۍ دورځې نمانځنې ته پراخ تدابیر نیول شوي وو، د ترکیې د حکومت لخوا د استانبول مشهور پول، د ازبکستان او عربي اماراتو لخوا د خلیفه برج څراغونه د افغانستان په بیرغ ښکلي شوي وو.

دغه راز په امریکا، اروپا او نورو ګڼو هېوادونو کې هم د خپلواکۍ د سلمې کلیزې جشن په ولسي جذبه نمانځل شوی دی.

295 total views, 4 views today

onesignal_meta_box_present:
1
onesignal_send_notification:

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2