Categories

اعلان

Loading…

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو کې د خپلواکۍ سلمه کلیزه نمانځلې ده.

تاند ته رسېدلیو انځورونو کې ښکارې چې طالبانو د بغلان دهنه غوري سیمه کې تر خپلې ولکې لاندې یو بازار کې په سپینو ټوکرانو د خپلواکۍ د سلمې کلیزې مبارکي لیکلې او جنګیالي یې په موټرسایکلونو له سیمې څخه د تېرېدو په حال کې دي.

 په بغلان کې امنیتي چارواکو هم تایید کړې چې د دغه ولایت ځینو سیمو کې طالبانو د خپلواکۍ سلمه کلیزه نمانځلې ده.

بلخوا تاند ته د یو طالب قومندان وینا هم رسېدلې چې نوموړی په کې خلکو ته د خپلواکۍ د سلمې کلیزې مبارکي ورکوي او وايي چې د افغان ځواکونو پر وړاندې به یې جګړه روانه وي.

1,511 total views, no views today

1 comment

  1. moeen khan ahmadzai Reply

    عجیبه منطق او خبره ده چی دوی دا ورځ لمانځی ولی بیرغ یی سپین خور کړی نو دوی چی ازادی ورته دری رنګه بیرغ والاؤ تر لاسه کړی.. هغه د چا خبره وایی توره دی لالا کوی او مړي د عبدالله وهی…داسی لمانځل هیڅ ښه نه ښایی دوی سره

Leave a Reply

Your email address will not be published. Required fields are marked *

۸