Categories

اعلان

Loading…

د خپلواکۍ لمانځل څه ګټه لري؟

لیکنه: نورالله غازي
هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په اسانه لاس ته نه دی راغلی، بلکې د یوه اتل رهبر په مشرۍ د ګڼو خلکو په قربانۍ له یرغلګرو او تیريګرو له لاسونو لاس ته راغلی دی.
د خپلواکۍ د ورځې په لمانځلو سره هیوادوالو ته د هيواد  اصلي اتلان ورپېژندل کېږی او د هغوی سرښندنې او مبارزې ورته په ګوته کېږي. د دې لمانځلو موخه دا وي چې په هیوادوالو کې ملي او وطني جذبه راولاړه شي او ټول وګړي هیواد لکه خپل وجود وګڼي او په ساتنه کې یې ټول په ګډه ونډه واخلي.
 افغانانو او د خپلواکۍ لمانځل:
د افغانانو لپاره یې ګټې ډېرې دي، چې ځینې به یې په ګوته کړو:
۱ ـ د افغانستان خپلواکي شاه امان الله خان اخیستې په غازي مشهور شوی او لومړی غازي به وي چې نوم یې پر خلکو ښه لګېږي او بل د دې ځوان پاچا په سر کې د وطن لپاره نوی او پرمختللی فکر موجود و، د دغې ورځې په لمانځلو سره هيوادوال له اماني فکر او کړنلارو سره هم اشنا کېږي چې موږ تیارو ځپلو او وروسته پاتې وګړو ته د یو لوی څراغ کار کوي.
۲ ـ په اوسنيو حالاتو کې چې هیواد مو د ګڼو ملکونو په استخباراتي جګړه کې ښکېل دی، د خپلواکۍ لمانځل خلک سره نږدې کوي، خپل هیواد ته متوجه کېږي او فکرونه د وطن دوستۍ بیرغي رنګ اخلي، چې بیا پردي زموږ په وینو او اوښکو خپلو موخو ته نشي رسیدلی.
۳ ـ د دې ورځې په لمانځلو سره خلک د خپلواکۍ په اصلی معنا پوهېږي او د ريښتيني خپلواک کیدو احساس پکې راژوندی کېږي.
۴ ـ افغانستان هغه هیواد دی، چې له ګانډیو یې ډېر زیان لیدلی دی، نو د دې ورځې په لمانځلو ګاونډیان هم ګوري چې دا خلک په خپلواکۍ مین دي او د ولس له داسې یووالي چې د وطن دوستۍ جذبې پکې په څپو وي، ویره ورلوېږي او د خلکو په وطندوستۍ یې یقین پخېږي.
۵ ـ تر ټولو مهمه یې دا چې زموږ دښمن زموږ له پاشل کیدو ګټه اخيستې ده او دښمن مو هر وخت وطن پرسته شخصیتونه په تورو لاسونو تور کړي او تکفير کړي دي، نو د خپلواکۍ په لمانځلو سره دښمن ویني چې د دې وطن  لویو او وړو زړونه په وطن پورې تړلي دي، چې کله د طن اکثریته وګړي وطنپرسته شي، نو بیا به د اوس په شان په اسانه او دومره پریمانه نه وژل کېږو او تر ټولو ښه یې لا دا چې وطنپرسته وکړي خپل حکومتونه ړنګوي نه، بلکې سموي یې.
د خپلواکۍ په ورځ عمومي رخصتي وي، مکتبونه او نورې ښوونیزې ادارې رخصت وي، خو له بده مرغه چې د مدرسو ملايان په دې ورځ خپلو طالبعلمانو ته رخصتي نه ورکوي، د دوی په اند دا ورځ کومه دیني او مذهبي ریښه نه لري. خو حکومت ته بویه چې ټولې ادارې په دې مکلفې کړي چې په دې ارزښتناکه ورځ خپله رخصتي مراعات او د دې ورځې احترام او لمانځنه وکړي. نور باید مکتب او مدرسه غوښه او چاړه سره وانوسي، دواړه باید د وطن د خېر په سرچینو بدلې شي، تر څو  هر افغان د وطن د درې رنګه بیرغ لاندې د مکملې خپلواکۍ احساس وکړي.

597 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2