Categories

اعلان

Loading…

امریکايي سناتور، د افغانستان د سولې موافقه باید کانګریس ته وړاندې شي

تاند- د امریکا د کانګریس مخکښ غړی لینډسي ګراهام وايي، د امریکا او طالبانو ترمنځ د سولې هر راز موافقه باید تر لاسلیکېدو مخکې کانګریس ته وړاندې شي او د کانګریس غړي یې وڅېړي.

سناتور ګراهام د خپل هیواد له ولسمشر ډانلډ ټرمپ څخه وغوښتل چې له طالبانو سره د سولې د موافقې په لاسلیکولو کې له احتیاطه کار واخلي او داسې پرېکړه ونه کړي چې د سختدریځو ډلو د پیاوړتیا سبب شي.

دا په داسې حال کې ده چې د سي این این تلویزیون د راپور له مخې، ولسمشر ټرمپ له خپلو جګپوړو سلاکارانو سره د طالبانو او زلمي خلیلزاد په مشرۍ د امریکايي پلاوي د موافقې د نهايي کولو لپاره د جمعې په ورځ ناوخته غونډه کوي.

خو ګراهام د ولسمشر ټرمپ او د ده د حکومت د جګپوړو چارواکو تر غونډې مخکې پر خپله ټویټرپاڼه لیکلي«هیله لرم چې ولسمشر او کاري ډله یې، له افغانستان څخه، چې د سپټمبر د یوولسمې پېښه پکې پلان شوه، د سختدریځو ډلو د خطرونو په اړه سمې او دوامداره پرېکړې وکړي.»

سناتور ګراهام همداراز ویلي«هیله لرم چې له طالبانو سره د سولې د هر راز موافقې په اړه، چې په افغانستان کې د امریکا پر حضور اغېز لري، په کانګریس کې غونډې او مشورې ولرو او رایې پرې واخیستلی شو.»

سناتور ګراهام د یو شمېر نورو امریکایانو په شان اندېښنه لري چې ولسمشر ټرمپ به د خپل انتخاباتي کمپاین لپاره له طالبانو سره داسې جوړجاړی وکړي چې د تروریزم پرضد د مبارزې په لاره کې به خنډ پېښ کړي:

«هره هغه موافقه چې له تروریزم سره د جدي مبارزې لپاره د امریکا مخه نیسي، د سولې موافقه نه ده. د دې پر ځای، دا چاره د امریکا پر خاوره او په نړۍ کې د امریکا پر ګټو د لا ډېرو حملو لپاره لار پرانیزي.»

د امریکا او طالبانو ترمنځ له موافقې سره سم، چې لا نهایي شوې نه ده، له طالبانو څخه ژمنه اخیستل شوې چې له افغانستان څخه به پر نورو هیوادونو د تروریستي بریدونو مخه نیسي خو سناتور ګراهام وايي، که له طالبانو سره د موافقې پر اساس په افغانستان کې له سختدریځو او ترهګرو سره د مبارزې مسوولیت له امریکايي ځواکونو واخیستل شي او طالبانو ته وسپارل شي، دا به ستره تېروتنه وي او په نتیجه کې به یې سوله هم رانه شي.

د افغانستان حکومت هم د امریکا او طالبانو ترمنځ د سولې د موافقې پر مسودې ملاحظې لري او وايي چې په دې اړه یې خپل اعتراضونه امریکايي چارواکو ته رسولي دي.

د امریکا او طالبانو ترمنځ د موافقې په مسوده کې ویل شوي چې د موافقې له نهايي کېدو وروسته به طالبان او امریکایان پر یو بل بریدونه نه کوي خو طالبان به پر افغانانو او امنیتي خواکونو بریدونو ته دوام ورکوي. دغه راز طالبانو ژمنه نه ده کړې چې د افغانستان له حکومت سره به د سولې خبرې پیلوي.

748 total views, 3 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2