Categories

اعلان

Loading…

سیاسي طالبانو امریکا ته د هغو طالب قومندانانو د وژلو ادرسونه ورکړي چې د سولې مخالف دي

تاند، ځانګړی راپور، پنجشنبه، د اسد ۲۴مه: د طالبانو یو شمېر سرچینو ویلي، امریکا سره د دوی مذاکراتو کې په دې هوکړه شوې هغه طالب قومندانان چې د سیاسي دفتر د مذاکراتو له شېوې سره مخالف دي، د امریکا لخوا به په نښه کېږي.

طالبانو ته نږدې یوه سرچینه تاند ته وايي، د قطر د طالبانو سیاسي دفتر مشرانو امریکا ته په دې وروستیو کې د فراه لپاره د طالبانو د وژل شوي ملا مشر والي، د پنجشېر لپاره د طالبانو د مرستیال والي، هلمند لپاره د طالبانو وژل شوي مشهور نظامي مسوول او والي، د طالبانو د دفاع وزیر صدر ابراهیم، لوګر، خوست، پکتیا، غزني او نورو سیمو لپاره د مهمو وژل شویو استخباراتي او نظامي مسوولانو د پټنځایونو معلومات ورکړي دي.

سرچینې د نوم نه ښودلو په شرط زیاته کړې چې په دې وروستیو کې د طالبانو د نظامي کمېسیون مسوول او دفاع وزیر صدر ابراهیم د قطر سیاسي دفتر او کویټې شورا سره تماسونه نیولي وو چې د سولې روانو مذاکراتو یې جنګیالي له امریکا سره د طالب مشرانو په سیاسي معامله شکمن کړي دي او دی نه غواړي چې د جګړې په ډګر کې بوخت وساتل شي او د مذاکراتو د پرمختګونو او خنډونو په تړاو ورسره معلومات شریک نه شي.

سرچینه وايي، صدر ابراهیم د قطر دفتر په تړاو له شکایتونو وروسته بلوچستان کچلاغ ته وربلل شوی و چې د افغانستان په خاوره کې د خاکریز او شاولیکوټ تر منځ بوم دښته کې له خپلو یوولس ملګرو سره د امریکايي ځواکونو د هوايي برید ښکار شو.

ابراهیم صدر د هلمند د سروان اوسېدونکی او د طالبانو په حکومت کې هم د دغې ډلې د نظامي کمېسیون مشر پاتې شوی او اوس د دغې ډلې د دفاع وزیر و.

ویل کېږي نوموړی پاکستان ته روان و چې په لاره د امریکايي هوايي ځواکونو لخوا په نښه شوی دی.

په دې وروستیو کې د امریکایانو لخوا په هوايي بریدونو کې دطالبانو د مهمو والیانو، نظامي مسوولانو او ولسوالانو وژنې زیاتې شوي چې هغه شکونه یې په رښتیا بدل کړي چې ګواکې طالب مشران خپله ډله کې خپل مخالفان په امریکایانو له منځه وړي.

5,192 total views, 2 views today

1 comment

  1. حضرت قل Reply

    خداوند ذلیل کند تو بدبخت دروغ گوی

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2