Categories

اعلان

Loading…

زلمی خلیلزاد واشنګټن ته رسېدلی

تاند، سه شنبه، د اسد ۲۲مه: زلمی خلیلزاد طالبانو سره د اتم پړاو خبرو ختمولو وروسته واشنګټن ته رسېدلی دی.

نوموړي د دوشنبې په ورځ د مذاکراتو د اتم پړاو په پای کې پر خپل ټویټر ولیکل چې د اګست له درېیمې راهیسې د سولې د خبرو پیل کړی دا پړاو یې پای ته رسولی دی: (( دغې پړاو څو ورځې ونیوې، چې موږ په کې د هوکړې پر تخنیکي اړخ زیات تمرکز درلود.))

خلیلزاد وايي، واشنګټن ته ځکه ستون شوی چې د امریکا له مشرانو سره د سولې د مذاکراتو په تړاو د راتلونکو اقداماتو برخه کې سلا مشورې وکړي.

بلخوا ذبیح الله مجاهد هم تایید کړې چې طالبان هم د اتم پړاو خبرو نه وروسته له خپلو مشرانو سره سلا مشورې کوي.

د سولې د خبرو اتم پړاو د اسد په ۱۲مه د قطر په دوحه کې پیل شوی و چې ورسره تمه وه د سولې هوکړه به په کې نهايي او لاسلیک شي، خو اټکلونه لا هم ناسم ثابت شول.

649 total views, no views today

1 comment

  1. Shamsss Reply

    دا به هله امضاء کوی چه د افغانانو خونه تالا والا شی

Leave a Reply

Your email address will not be published. Required fields are marked *


۸