Categories

اعلان

Loading…

دایمي امنیت او استقرار | بصیر عاصم 

سیاسي او اقتصادي انزوا او د نړیوالو فشارونو پایلي بلاخره پاکستان ته دې مجبور کړ چې د امریکا سره د سولې تر نامه لاندي خپله اتلس کلنه د طالب په مټ د افغان ټولوژنه پروژه د امریکا د مالي مرستو د سختو اقتصادي ستونزو  او د سیاسي انزوا د خلاصون په هیله پر امریکا وپلوري خو د افغان ولسمشر ښاغلی غني د سولې په اړه ورستۍ څرګندونې ښيي چې ددې سودا قیمت تر هغه ډېر لوړ دی چې افغان ولس او دولت یې هیله لرل. خو په هر صورت که دا سودا په کم قیمت هم کیږي او پاکستان خپلي ملېشې (طالبان) له افغان وژني راګرزوي د افغانستان  دایمي ثبات به  تضمین کړي ؟
موږ باید دا په زهن کې وساتو چې په ننۍ نړۍ کې د قوي ملتونو دوستان ډېر دي خو د ضعیفو ملتو دښمنان . که د قوي افغانستان چې د دایمي اسقرار او امینته برخمن وي د افغانستان په داخل کې د نظام پر تقویي باور لرل او د اداري فساد چې د افغانستان د اوسنی امنیتي حالت پر خرابولو کې نژدې ۹۰ فیصده رول لري پر ضد قاطع  عمل کول په کار دی ، یوازې د پاکستاني  ملېشو (طالبان)  په راضي کیدلو کې د قوي افغانستان  فکر کول د یو سالم فکر او تعقل له محوره هغه وتلی جنون دی چې هیڅکله به  پکښي د افغانستان د ثبات او برم تصور حقیقت ونه شي موندلای . او بیا داسي دایمي دښمن لکه پاکستان چې د مځکي پر وجود ولري د افغانستانه به د مداخلي فکر نه د سیاسینو او نه د واکمنو سرټمبه پوځي جنرالانو له مغزو ووځي ، دوی چې د هند په لوی پوځي طاقت ، پوخ نړیوال سیاسي اعتبار کې د کشمیر د فتحي خوب پرېنښوده نو د ضعیفه افغانستان د مداخلې او پنځمي صوبې فکر به یې څنګه له مغزو ووځي؟
ځیني وخت خلګ حقایق ویني خو د خپل نفسي هیلي او شخصیت پرستۍ په هوس کې د خپل وجدان په وژلو  نورو ته نور څه د حقایقو پر خلاف ورښيي . پخوانی ولسمشر ښاغلی حامد کرزی به په وار وار ویل که تریاک ورک نه کړو موږ به ورک کړي خو دده له خولې مي هیڅکه وانه ورېدل که فساد ورک نه کړو موږ به ورک کړي. که وزیر بامسولیته اهل او ایمانداره وګمارو  رشوت خور ریسان مامومرین به نه وي ، که د پوځ افسر اهل او ایمانداره وي پوځیانو ته به ښه پلان ورکړي اعاشه ، تخوا  به پر وخت ورسیږي ، په لوږي نس به په هفتو نه جنګیږي ، زخمیان به یي عاجل تداوي کیږي.
په تیر کې د افغانستان دولت له امریکا پر پاکستان د نظامي فشار بیا بیا غوښتنه کول خو هغوی په دې ښه پوهېدل چې اصلي ستونزه چیري ده ، هغوی پوهیدل چي دافغانستان زړه کابل ته دبمونو لارۍ که د نظام د داخله د ترهګرو سره مرسته ونه شي امکان نه لري ، هغوی پوهېدل که په قضا کې فساد نه وي ترهګر به ولي د څو لکو کالدارو په بدل کې د څو میاشتو له بنده ورسته په عزت رخصتېدل او بیا به د جګړې ډګر ته ستنېدل. امریکا پوهیدل چې د هند په ۲۰۰ میلوني مسلمانانو کې پاکستان ولي ونه شو کړای پر ممبي د ترهګریز برید د پاره یو مسلمان پیدا کړي ځکه هند هغه علتونه له مینځه وړي وه چې پاکستان په افغانستان کې استفاده ځیني کوي ، په پوځ او استخباراتو کې یي تر سرتیري بیا تر افسره د اهلیت او مسلکیت پر بنیاد ګمارل شوي دي نه د احزابو او واسطو پر اساس.
پر امریکایانو که له یوې خوا پر پاکستان سیاسي فشار غورځاوه خو له بلي خوا یي په وار وار افغان دولت ته د فساد پر ضد د قاطع او جدي اقداماتو غوښتنه کول خو د افغان دولت بې تفاوتي وه چې پایله یي د ترهګرۍ پر خلاف د دواړو متحدینو پر خرابو سیاسي اړیکو ودرېده . حقیقت دادی چې د فساده خلاص افغانستان  د ترهګرۍ د مرګ په مانا او د افغانستان د دایمي ثبات په مانا دی . نه امریکایان  د افغانستان ګټو غم اخستي دي نه د افغانستان د امنیت. نړۍ به هله د سیال په سترګه را ته ګوري چې د یو قوی دولت درلودنکي شو او قوی دولت جوړونه د اداري فساد په شتون کې ناممکنه ده او بیله قوی دولته د امنیت تصور لا جنون دی او هغه څه به وینو چې دا څلویښت کاله مو ولیدل.

342 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2