Categories

اعلان

Loading…

 څلویښت کاله وشول دلته اختر ندی راغلی| نګین کرګر

نن می ‌‌‌‌‌‌ډیرې پوښتنې په ذهن کې ګرځې، خو د کفر د ټاپې له ‌‌‌‌‌‌ډاره یې د لیکلو جرأت نشم کولي. هسي هم را ته تل خلک دا وایې چې کنجکاوي دې مرض دی.

ومې لیدل چې ‌‌‌‌‌‌ډیر افغانان له جنګ څخه ستومانه دي او د عرفاتو په میدان کې سولې ته دعا کوي، د غریب د اولاد په حال اوښکې تویوي، خو د دعا ‌‌‌‌‌‌ډیره برخه یې د شیهدانو د مغفرت او د ځان د ګناه بښلو په اړه وه، دا راته جوته شوه چې تر ژوندیو  مړي موږ ته ‌‌‌‌‌‌ډیر اهمیت لري نو د خلکو په قول موږ هماغه شهید پرور ملت یو.

په مکتب کې مې دا شعر درسې نصاب کې و:

دل بدست اور که حج اکبر است

از هزاران کعبه یک دل بهتر است

نو دوی چې په مکه کې د غریب په حال ژاړي او ننواتې کوي ولې ورسره مرسته نکوي چې دومره لګښت باندی حج ته ځي؟ ما خو لوستي دي چې حج هم خپل شرایط لري، زه فکر کوم په موږ افغانانو لا حج فرض نه دی ځکه هلته چې څلور لسیزې اختر نه وي راغلی نو حج او قرباني هم ریا کاري ده.

هلته چې ماشومان ټول کال د انسانانو غوښې ګورې او د پسه د غوښې اخیستلو توان نلري، اختر نه راځي.

هلته چې انسانان لا قربانې کیږي نو د پسه حلالولو ته حاجت څه دی.

اوریدلې مې دي چې د یوې مور زوې ‌‌‌‌‌‌ډیره موده ورک و، مورته یې کورته چا سي ‌‌‌‌‌‌ډي راوړه چې واخله د زوی ویډیو دې په دې کې ده، مور په خوشالۍ سره دا ویډیو ګوري، او ویني چې زوی یې ورته چړه په ستوني حلالولې او الله اکبر پرې وایي، د هغه مور اوس هم له ستونې نه وینې راځې چې د خپل زوی حلالول یې ولیدل، خدای خو اسماعیل (ع ). وژغوره خو بنده ګانو یې د دې مورکۍ زوی حلال کړ….

اختر مبارک دی، خو که موږ جنت او حورې غواړو نو د کعبې د طواف وخت لا زموږ نه دی راغلي اوس د غریب د حاجت پوره کول په موږ فرض عین دې. خو چې تکراري فریادونه نه اورو د مور له ستونې څخه د وینو کانګې نه وینو، د پلار بیوسي نه وینو، د بیلاسو بی پښو سرتیرې بیوسه میرمن او ماشومان نه وینو، د باروتو په اور سوځیدلې سترګې او د ماین د انفجار کاڼه غوږونه نه وینو او که وینو یې نو ورسره عادت یو ، مونږ هم ړانده یو او کاڼه او هم او هم نغواړو پوه شو، مونږ ته د حج او کعبی طواف خوند راکوې او بیا د حاجی په اوریدو سره من من غوښې اخلو.

په نکریزو سره لاسونه، نوې جامې، او د پسه وینه تویول به هله په اجرونو او ثوابونو کې حساب شې چې زمونږ د وطن کاڼې او بوټو نه مرغۍ په‌‌‌‌‌‌ډآر سره وانه الوځې، د وطن هسک غرونه مو د سرتیرو په وینه ونه ساتل شې،ماشومان مو په لوبو کې د انتحاری تمثیل ونکړې، او میندو مو د خپل زلمې ځوی په وینو لت پت ټټر ونګوری.

كله چې رایادیږي چې د وطن هره مور خور میرمن د خپل یو زړه ته رانژدی کس لمړۍ اخترلمانځې که یې وس ولری، ‌‌‌‌‌‌او که وس نلرې نو ډیر کسان به حلوا هم نشې پخولی نو د هری لمانځنې د دود نه مې وجود په ریږدیدو شې،  دومره بیګناه انسانانو وینې توي شوې اختره بس دي دلته مه راځه ! دلته د وینی بوي دې .

1,092 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2