Categories

اعلان

Loading…

داخله، دفاع وزارت او ملي امنیت اختر ته لومړۍ درجه تدابیر نیولي

تاند، شنبه، د اسد ۱۹مه: امنیتي او دفاعي ځواکونو د لوی اختر ورځو لپاره ټول هېواد کې د ټینګ امنیت د نیولو خبر ورکړی دی .

 سبا یکشنبه د اسد ۲۰مه د لوی اختر لومړۍ ورځ ده چې له رارسېدو سره یې کابل او نورو ښارونو کې د امنیتي ځواکونو احضارات زیات او سخت شوي دي.

که څه هم تېره یوه میاشت کې په کابل کې شپږ خونړي بریدونه شوي او لوی شمېر ملکیانو ته تلفات په کې اوښتي، خو داسې ښکاري چې دغه ښار کې هم د خلکو ګڼه ګوڼه د اختر د سوداګانو اخیستلو لپاره زیانمنه شوې نه ده.

د کورنیو چارو وزارت  ویاند نصرت رحیمي تاند ته وویل، د لوی اختر په رارسېدو سره ټول هېواد کې امنیتي او دفاعي ځواکونو لومړۍ درجه امنیتي تدابیر نیولي دي: (( اختر لپاره مو له ملي امنیت، دفاع وزارت سره په ګډه کلک تدابیر نیولي، ټولو عیدګاو، تفریحي پارکونو، جوماتونو او د ګڼې ګوڼې ډکو ځایونو کې به زموږ د ځواکونو حضور زیات او فعاله وي.))

 نصرت رحیمي زیاته کړه، امنیتي ځواکونه چمتو دي چې د اختر شپو ورځو کې ټول امنیتي ګواښونه له منځه یوسي: (( د خطر د احساس په وخت کې خلک د پولیسو ۱۰۰ او یا هم ۱۱۹ شمېرې ته زنګ کولی شي، دغه راز د ملي امنیت ۱۰۰۱ شمېره به هم فعاله وي، موږ ټولو قومندانانو ته امر کړی چې د خپلسرو ډزو مخه ونیسي، دغه راز مو ۲۵۰ کارتنه پټاقۍ هم چې هېواد ته راواردېدلې نیولې دي.))

  بلخوا د دفاع وزارت ویاند روح الله احمدزی هم وايي، چې دفاعي ځواکونه به د اختر د ورځو د امنیت د ټینګښت لپاره ځمکني او هوايي عملیاتو لپاره تیارسۍ ولاړ وي او  ټولو ښارونو امنیت به خوندي وساتل شي.

 دا په داسې حال کې ده چې ملګرو ملتونو په افغانستان کې له ښکېلو غاړو غوښتي چې د اختر ورځو کې اوربند اعلان کړي.

272 total views, 2 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2