Categories

اعلان

Loading…

د امریکا او طالبانو هوکړه او د انديښنې وړ ټکي/ صادق ترابزی

صادق ترابزی

دا ښه خبره ده چې امریکا افغانستان کې پوځي حضور ختموي او طالبان له جګړې لاس اخلي او سوله کوي، افغانان اتلس کاله کیږي د داسې یوې ورځې په ارمان دي، خو چې له طالبانو سره په هوکړه جګړه بس شي.

د امریکا او طالبانو ترمنځ هوکړه کې دا شته چې طالبان له القاعده سره اړیکې پرې کوي او که اړتیا شوه جګړه به هم ورسره کوي، بیا د دې هوکړې یوې بلې برخه کې له دې برخې جلا راغلي چې له سولې وروسته به امریکا، افغان ځواکونه او طالبان له داعش سره ګډه جګړه کوي.

یانې دا چې له طالبانو سره د هوکړې وروسته به د داعش پروژه پياوړې کیږي او د طالبانو ځای به داعش ته پاتې کیږي، د طالبانو هغه وسله والې ډلې چې نه شي کولی له ټوپک پرته ژوند وکړي داعش ډلې سره ځینې ممکن او ځینې ډلې حتما یو ځای شي.

اوس چې د داعش فعالیت کم رنګه دی، یو لامل یې طالبان دي چې د دې ډلې د پراختیا مخه یې نیولې، خو که طالب وسله کيښوده، د دې ډلې پراختیا او فعالیت حتمي کیدلی شي.

هوکړه کې بله خبره د افغانستان اسلامي جمهوري دولت ده، د طالبانو لپاره اسلامي امارت لیکل شوی خو د افغان حکومت لپاره د دې پر ځای چې اسلامي جمهوري دولت ولیکلي، مقابل لوری یې ورته لیکلی دی، یانې چه؟

نهه میاشتې وړاندې چې د امریکا او طالبانو خبرې پيل کیدلې، داسې ژمنه امریکا کړې وه چې افغان حکومت به خبرو کې شریک وي او هوکړه به ورسره شریک کیږي، اوس چې هوکړه شوې، افغان حکومت سره شریکه شوې، خو ویل کیږي چې دا وروستۍ پریکړه ده او افغان حکومت پکې ملاحظات نه شي ورکولي.

خو حکومت خپل وړاندیزونه او اندیښنې له امریکا سره شریکې کړې، تېره شپه یې د ناټو غړو هېوادونو استازي ارګ ته ورغوښتي و او د دې هوکړې جزیات یې ورسره شریک کړي، په داسې حال کې چې له ولسمشر غوښتنه شوې وه چې دا به له چا سره نه شریکوي.

د طالبانو اتلس کلنه مبارزه
طالبانو نولس کاله وړاندې د یو اسامه لپاره خپله واکمني قربان کړه او حاضر نه و چې یو میلمه امریکا ته وسپاري، د یو اسامه په بدل کې یې سلګونه زره افغانان قرباني کړل او افغانستان یې کلونه شاته پريښود.
اوس دا ډله (طالبان) له همغې ډلې (القاعده) سره اړیکې پریکوي او د اړتیا په وخت کې جګړه هم ورسره کوي چې پر سر یې زیاتې قربانۍ افغانانو ورکړې.

طالبانو کلونه افغان حکومت سره جګړه وکړه، له افغان ځواکونو سره یې جګړه وکړله چې د امریکا مزدوران دي او د جګړې امکانات له امریکا اخلي، خو اوس یې له امریکا سره هوکړه کې منلې چې امکانات به د امریکا وي او هغه ډلې به له منځه وړي چې د امریکا او سیمې لپاره ګواښ وي، یانې چه؟

په هر صورت که د امریکا او طالبانو له هوکړې وروسته اوربند کیږي، بین الافغاني خبرې کیږي او د دې ټولو په پایله کې جګړه پای ته رسیږي، په هر قیمت د منلو ده، خو که د امریکا او طالبانو له ډيل وروسته بیا داعش ډلې ته امریکا امکانات برابروي او د خپلو ګټو لپاره یې افغانستان کې جنګوي، یا له طالبانو سره د سولې وروسته جګړه دوام پيدا کوي، نو دا سوله هیڅ مانا نه لري، ځکه دا سوله افغانان ارمان ته او سوکالۍ ته نه شي رسولی.

یوه اندیښنه همدا ده چې د طالبانو ځینې وسله والو ځان ته دومره کار کتلی چې یوه ورځ هم بې وسلې نه شي ګرځیدلی او وسله د خپل ځان ساتلو او پيسو پیدا کولو یواځینۍ وسیله بولي، نو ممکن زیات وسله وال د طالبانو بیرغ کیږدي او بل بیرغ پورته کړي.

ځکه دا ډلې وسلې لري، امکانات لري، د فعالیت ساحه لري، جنګیالي لري، یواځې د یو افغان دښمنه هېواد ملاتړ پیدا کوي او د دې لپاره ډير هېوادونه لیواله دي چې کار وکړي.

په پای کې وایم، هیله ده زما انديښنې بې ځایه وي او په دې روان وضعیت سره افغانستان ثبات ته ورسیږي.

992 total views, 5 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2