Categories

اعلان

Loading…

څوک غواړي چې نوم یې مریخ ته یووړل شي؟

jتاند- ناسا خلکو ته بلنه ورکړې چې که غواړي چې نومونه یې مریخ ته یووړل شي، نو په انترنیټ کې دې یوه آنلاین فورمه ډکه کړي.

د دوی نومونه به د ۲۰۲۰ م کال په نیمايي کې مریخ ته ولېږل شي.

داسې ښکاري چې ناسا غواړي چې د فضايي سفرونو پلویانو ته په زړه پورې فرصت برابر کړي.

هر څوک کولی شي چې خپل نوم د ناسا په ویبپاڼه کې ثبت کړي. د دوی نومونه به په یوه مایکروچیپس کې ثبت او مارس روفر یا مریخ مزلی به یې دې سرې سیارې ته یوسي.

د ناسا د ساینسي ماموریت د څانګې اجرايي ريیس توماس زوربوش په دې اړه وايي، موږ مریخ ته د یوه تاریخي ماموریت په برابرولو بوخت یوو او غواړو چې ټول خلک په دې اکتشافي سفر کې راسره شریک کړو. اوس دې ګاونډۍ سیارې ته له سفر سره په یو وخت د ناسا لپاره حیرانوونکی دور پیلېږي.

په انلاین فورمه کې له تقاضا کوونکو څخه نوم، د کورنۍ نوم او ادرس غوښتل کېږي. د فورمې له ډکولو وروسته هر نوم ثبتوونکي ته یو الوتکارت (بورډینګ کارډ) لېږل کېږي چې د یادګار په توګه یې له ځان سره وساتي.

ناسا تر یو ملیون زیات نومونه په یوه خورا کوچني چیپس کې ثبتوي. تېر کال ناسا د نژدې دوه نیم ملیون تنو نومونه دې ته په ورته چیپس کې ثبت کړي وو او د اینسایټ لنډر په وسیله یې مریخ ته وړي وو.

نو که غواړئ چې نوم مو مریخ ته یووړل شي، د سږ کال د سپټمبر تر ۳۰ پورې وخت لرئ چې د ناسا ویبپاڼې ته مراجعه وکړئ.

438 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2