Categories

اعلان

Loading…

ولسي جرګې د کال د دویمې نیمايي بودیجه تصویب کړه

تاند، سه شنبه، د اسد ۱۵مه: ولسي جرګې د کال د دویمې نیمايي لپاره ملي بودیجه تر یو وار رد وروسته نن تصویب کړه.

ولسمشر ولسي جرګې ته امر کړی و چې تر هغو دوبنۍ رخصتۍ نه شي کولای تر څو بودیجه تصویب نه کړي چې له کبله یې نن د ولسي جرګې عمومي غونډه کې د کال د نیمايي بودیجې په مسوده رایه اچونه وشوه.

ولسي جرګه کې نن د بودیجې تصویب ته ۱۲۰ موافقې او ۷ مخالفې رایې وکارېدلې.

د ولسي جرګې د مالي او بودیجې کمېسیون رئیس عظیم محسني وايي، سولې وزارت او د بشري حقونو وزارت، د رجال برجسته او ارګ متقاعدو ساتونکو ته ځانګړې شوې بودیجه له دغې مسودې څخه ایستل شوې ځکه دوی هم د تایید رایه ورکړه.

دغه راز حکومت د کال نیمايي بودیجه کې ټاکنو ته ۶ اعشاریه اووه میلیارده افغانۍ بېلې کړې وې چې د تېر کال په پرتله بودیجه کې ۲۴ اعشاریه ۹ میلیارده افغانۍ زیاتوالی راغلی و.

د ملي بودیجې د څېړنې کمېسیون وايي، اضافه شوې بودیجه کې یې ۲۰ اعشاریه ۹ ملیارده افغانۍ له کورنیو عوایدو او ۴ میلیارده یې له بهرنیو مرستو سند کې ځای پر ځای کړې وې.

دا په داسې حال کې ده چې څو ورځې وړاندې ولسي جرګې د کال د دویمې نیمايي بودیجه رد کړه او ۱۶ موارد یې په کې شکمن یاد کړل.
جرګې وویل، حکومت تر څو په دې ټکو غور ونه کړي، دوی یې بودیجه نه تصویبوي.

544 total views, no views today

Leave a Reply

Your email address will not be published. Required fields are marked *

۸