Categories

اعلان

Loading…

خلیلزاد: سوله راځي خو چې د پاکستان او افغانستان خاوره یو د بل په ضد ونه کارېږي

تاند، جمعه، د اسد ۱۱مه: د افغانستان د سولې لپاره د امریکا ځانګړی استازی زلمی خلیلزاد وايي، اړتیا ده چې افغانستان کې د دایمي سولې لپاره پاکستان او افغانستان یو بل ته د دې ضمانت ورکړي چې له خاورې څخه به یې یو د بل پر ضد استفاده نه کېږي.

خلیلزاد نن جمعه پر خپله ټویټر پاڼه د پاکستان د سفر په تړاو جزیات روښانه کړي او زیاته کړې یې ده چې دا وار سفر کې یې د پاکستان صدراعظم عمران خان، خارجه وزیر شاه محمود قریشي او د پوځ مشر جنرال باجوه سره لیدنې کړې دي.

نوموړی وايي، په دې لیدنو کې یې افغان سوله کې د پاکستان د لا زیاتو مثبتو اقداماتو په تړاو بحثونه کړي دي چې عمران خان له ټرمپ سره هم هوکړه پرې کړې وه.

خلیلزاد زیاته کړې، سوله د افغانستان او پاکستان دې ضمانت ته اړتیا لري چې د دواړو هېوادونو خاوره به یو د بل پر ضد نه کارېږي: ((د دې ضمانت په اړه ډاد د بین الافغاني جامع خبرو په ترڅ کې رامنځته کېدای شي، چې ورسره به د سیمه ییز اقتصادي اتصال او اقتصادي ودې لپاره د سولې په فضا کې لار خلاصه شي.))

خلیلزاد ټینګار کړی چې دواړو هېوادونو ته هیله بخښونکي فرصتونه برابر شوي، خو باید چې دواړه هېوادونه ترې ښه استفاده وکړي.

خلیلزاد د پاکستان او افغانستان د خاورې یو د بل په ضد نه کارولو د ضمانت خبره کوي، چې تر دې وړاندې افغان حکومت په ځلونو ویلي چې پاکستان د ترهګرو لپاره خپله خاوره کې ځالې ورکړي، هغوی ته ټریننګونه ورکول کېږي او ان روغتیايي اسانتیاوې هم ورته برابرېږي.

خلیلزاد د اسد د میاشتې په نهمه له کابله ووت، خو زیاته یې کړه مخکې له دې چې قطر ته ولاړ شي، لومړی به پاکستاني چارواکو سره اسلام اباد کې ځینې بحثونه او لیدنې ولري.

908 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2