Categories

اعلان

Loading…

د غزني پر آب بند موټر بم برید، لږ تر لږه ۴ مړه، ۳۰ ټپیان

تاند، شنبه، د اسد ۵ مه: د غزني په آب بند ولسوالس کې موټر بم چاودنې لږ تر لږه ۴ سرتېري وژلي او له ۲۰ زیات ټپیان دي.

د غزني د امنیه قومندانۍ ویاند احمد خان سیرت رسنیو ته وویل، نن سهار څلور نیمې بجې یو ځانمرګي خپل موټر بم د اب بند ولسوالۍ قومندانۍ سره وهلی او لږ تر لږه ۴ سرتېري یې وژلي ۲۰ نور ټپيان دي.

نوموړی وايي، پېښه کې د امنیه قومندانۍ ودانۍ هم مالي تاوان لیدلی، خو سرچینې وايي، دې برید کې لږ تر لږه ۳۰ سرتېري ټپيان شوي چې حکومت یې چاته کره شمېره نه ده ښودلې.

د غزني د آب بند ولسوال جمعه خان تره کی وايي، ټپيان ټول سرتېري دي او د ګڼو وضعیت خراب دی چې له کبله به یې د مړو شمېر هم شاید زیات شي: (( د قومندانۍ سره نږدې کورونه هم وو، خو ملکیانو ته تاوان دومره نه دی رسېدلی.))

جمعه خان تره کی وايي، چاودنه دومره درنه وه چې د امنیه قومندانۍ وداني یې نږدې ټوله راکېنولې ده او له اوسېدو یې ایستلې ده.

بلخوا طالبانو د دې برید پړه پر غاړه اخیستې او د زیاتو افغان سرتېرو د وژلو ادعا یې په کې کړې ده.

آب بند ولسوالي د غزني ښار سویل ته د کابل – کندهار پر لویه لار پرته ولسوالي ده چې لاره یې هم له ننني برید وروسته څو ساعته تړلې وه.

468 total views, no views today

Leave a Reply

Your email address will not be published. Required fields are marked *


۸