Categories

اعلان

Loading…

ټرمپ به له عمران خانه په افغانستان کې سوله وغواړي خو عمران خان پیسې غواړي

تاند- ټاکل شوې ده چې د امریکا ولسمشر ډونالذ ټرمپ نن په سپینه ماڼۍ کې د پاکستان له صدراعظم عمران خان سره وویني.

د امریکا ولسمشر ښاغلی ټرمپ په دې هدف له عمران خان سره ویني چې پر نوموړي فشار راوړي چې په طالبانو کې له خپل نفوذه په استفادې د افغانستان په سوله کې مرسته وکړي خو عمران خان تمه لري چې امریکا به یو وار بیا پاکستان ته مرستې ورکړي.

تېر کال ولسمشر ټرمپ پاکستان ته د امریکا سلګونه ملیون ډالره مرسته ودروله ځکه چې د ده په وینا پاکستان په خوله یو څه وايي خو په عمل کې بل څه کوي.

لوېدیځې رسنۍ وايي، امریکا به واشنګټن ته د عمران خان د سفر په لړ کې هڅه وکړي چې د افغانستان د سولې په پروسه کې ولاړ حالت پای ته ورسېږي او پر پاکستان به فشار راوړي څو طالبان د افغانستان له حکومت سره د سولې خبرو ته کښېنوي.

شنونکی او ځینې جګپوړي مامورین وايي، د افغانستان د سولې په پروسه کې د پاکستان د مرستې خپلول په سپینه ماڼۍ کې له ولسمشر ټرمپ سره د عمران خان په لومړنۍ کتنه کې د امریکا د اجنډا د سر موضوع ده.

له عمران خان سره په دې سفر کې د پاکستان د پوځ لوی درستیز جنرال قمر جاوید باجوه هم ملګری دی.

ډېر افغان کارپوهان او یو شمېر پاکستاني کتونکي باور لري چې د افغانستان د جګړې په پای ته رسولو کې جنرال باجوه مهم رول لوبولی شي.

له عمران خان سره د باجوه یوځای سفر به امریکایانو ته فرصت برابر کړي چې په افغانستان کې د پاکستان د پالیسۍ له اصلي طراح یا معمار سره مخامخ خبرې وکړي.

همداراز د پاکستان د پوځي استخباراتو یا آی ایس آی مشر ډګرجنرال فیض حمید هم په دې سفر کې له صدراعظم عمران خان سره ملګری دی.

د امریکا د ملي امنیت شورا د جنوبي آسیا د چارو مشره، لیزا کورټېس وایي چې لومړی به ولسمشر ټرمپ له صدراعظم عمران خان سره دوه په دوه کتنه وکړه او خبرې ولري، او وروسته به د غرمې د ډوډې پر مهال، د دواړو هیوادونو د نورو جګپوړو چارواکو په حضور کې خبرو ته دوام ورکړي.

لوېدیځې رسنۍ اټکل کوي چې پاکستان به امریکایانو ته ووايي چې تر خپله وسه به هڅه وکړي لیکن په طالبانو کې یې نفوذ محدود دی، دوی ټول په افغانستان کې دي.

پاکستان تر دې پخوا هم د طالبانو په اړه دا ډول څرګندونې کړي دي.

عمران خان به دوه ساعته په سپینه ماڼۍ کې تېرې کړي او د امریکا په یوه تحقیقاتي انستیتیوت کې به وینا وکړي.

لیزا کورټېس خبریالانو ته ویلي چې امریکا ته د ښاغلي عمران خان د سفر مقصد دوه خبرې دي، او هغه دا چې “د افغان سولې د پروسې په پرمختگ کې د پاکستان پر کلکې همکارۍ ټینګار وشي او پاکستان دې ته وهڅول شي چې پخپلې خاورې کې دسختدریځو او ترهګرو د ځپلو لپاره خپلې وروستۍ هلې ځلې، جاري وساتي او لا پسې قوت ورکړي.”

لیزا کورټېس د افغان سولې په برخه کې د پاکستان له لوري تراوسه پورې پورته شوي ګامونه، ابتدايي وبلل، او زیاته یې کړه: “موږ د سولې په هڅو کې د پاکستان ابتدايي تسهیلاتي اقدامات ستایو، خو اوس په دې پروسې کې یو مهم پړاو ته رسېدلي یو او له پاکستانه غواړو چې پر طالبانو فشار واچوي څو دایمي اوربند ته غاړه کښیږدي او په بین الافغاني خبرو کې چې افغان حکومت هم په کې شریک وي، برخه واخلي.”

خو پاکستان فکر کوي دا چې طالبان یې له امریکایانو سره په قطر کې خبرو ته تیار کړي او یا یې سختدریځی حافظ سعید نیولی، کافي ده چې په مقابل کې یې امریکا د پخوا په شان د ډالرو د بوجیو خولې پرانیزي.

972 total views, 4 views today

onesignal_meta_box_present:
1
onesignal_send_notification:
status:
200
recipients:
670

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2