Categories

اعلان

Loading…

د افغان حکومت په وړاندې د کورنيو او بهرنيو غليمانو د فحشا د تورونو دسيسه

ليکنه: نصير احمد خپلواک

په کال ۱۹۱۹ کې افغان شاهى دولت د امير حبيب الله خان له ترور نه وروسته د هغه زوى غازى امان الله خان د افغانستان پاچا اعلان کړ. غازى امان الله خان پر افغان خاوره د پرمختګ،خپلواکۍ او د تعليم لوی ملاتړی و او د پاچا کيدو سره  سم يې د هيواد د پرمختګ لپاره کار پيل کړ.


د غازى لپاره د افغانستان د پرمختګ په لور سمول دومره اسانه هم نه ول او خپل کورنى او بهرنى غليمان يې درلودل. د هيواد په دننه د بعضو ملايانو او ملکانو او د هيواده د باندې د انګريزانو  د پاره د غازى د پرمختګ پروګرامونه  لوی خطر ګڼل کيده او په سيمه کې د دوی زور او زر يې کمزوره او له پامه غورځاو.  بې له شکه  دا ملايان د ديوبند مدرسې چې د انګريزانو تر نفوذ لاندې وه حمايه کيدل. همداسې د پرمختګ د مخنیوى ملکان هم د بریتانیايي هند د جى ايچ کيو لخوا  حمایه کيدل تر څو د امانى فکرونه له خاورو سره خاورې کړي.


دوی له مختلفو لارو هڅې وکړې چې د اماني فکرونو مخه پرې ډب کړي. ليکن د امانى فکرونو د ناکامولو لپاره  تر ټولو زياته پانګه يې پر استخباراتو مصرف کړه. دوی د امانى فکر ځینې غليمان د ناموس د خطر  او د فحشا د رواجولو په دسيسو افغان ولس له خپل پاچا سره په جنګ کړ او بلاخره د وطن غليمان په خپلو شومو هدفونو کې کاميابه شول.

د افغانستان پر دغه تاريخى صفحه کې بايد دومره انګريزان ګرم ونه ګڼل شي. ځکه هغوی د هند په وچه کې د خپلې امپراتورۍ او په سيمه کې د خپل واک د ساتلو لپاره له هرې وسيلې کار اخیست. د افغانستان د تاريخ لپاره ملامت هغه ملکان او ملايان  دي چې د خپلو شخصي ګټو لپاره يې د ملي ګټو سودا وکړه. په دې کې هغه عام افغانان هم ګرم دي چې په اګاه او نااګاه ډول يې د دغو خاينو ملکانو او ملايانو ملاتړ وکړ او د غازي پر وړاندې ودريدل.


د تاريخ د دې برخې یادونه مې د دې لپاره وکړه چې  د افغانستان د اوسني حکومت حالت هم د اماني دورې له حالتو سره ورته والی لرى. جالبه لا دا ده چې د دارالامان ماڼۍ د بيا جوړيدو او د هيواد د خپلواکۍ د سليزې په رارسيدو، يو ځل  بيا دا د ناموس د خطر او د فحشا د رواجولو دسيسو په ډير سيسټماټيک ډول سر راپورته کړی دی.

323 total views, no views today

onesignal_meta_box_present:
onesignal_send_notification:
status:
200
recipients:
668

Leave a Reply

Your email address will not be published. Required fields are marked *

۸