Categories
جنرال باجوه ولسمشر غني ته د بریا او مذاکراتي پلاوي ټاکلو مبارکي ویلې

جنرال باجوه ولسمشر غني ته د بریا او مذاکراتي پلاوي ټاکلو مبارکي ویلې

تاند، پنجشنبه، د حمل ۱۴مه: د پاکستان د پوځ لوی درستیز جنرال قمر جاوید باجوه له ولسمشر غني سره تلیفوني اړیکه نیولې او په بیلابیلو موضوعاتو یې ورسره خبرې کړې دي. ارګ وایي، باجوه، ولسمشر اشرف غني ته د ټاکنیزې بریا…

02 Apr 2020 خبرونه م. عاصم خوږیاڼی No comments

نور

اعلان

Loading…

کابینې د ولسمشریزو ټاکنو بودیجه تصویب کړه

تاند، پنجشنبه د چنکاښ ۲۷ مه: د ملي یووالي حکومت کابینې د میزان د ۶مې ولسمشریزو ټاکنو لپاره د بودیجې طرحه تایید کړه.

له ارګه په دې اړه تاند ته رارسېدلې خبرپاڼه کې راغلي، کابینې پرون مازیګر خپله ناسته کې د دولت د کال وسطي بودیجه کې د راتلونکو ټاکنو بودیجه پاس کړې ده.

ارګ که څه هم روښانه کړې نه ده چې ټاکنو ته یې څومره بودیجه تصویب کړې ده؟
خو تر دې وړاندې د ټاکنو کمېسیون کمېسیون ویلي وو چې د ټاکنو ۹۰ میلیونه ډالر بودیجه له حکومته اخلي او پاتې نوره به یې نړیواله ټولنه ورکړي.

د ټاکنو بودیجه کمېسیون ۱۴۹ میلیونه ډالر اټکل کړې وه چې ۲۹ میلیونه ډالر بودیجه یې پرون امریکا پر غاړه واخیسته.

ولسمشر غني د ټاکنو د بودیجې د تصویب ناسته کې ټینګار کړی چې ټاکنې به خامخا کېږي او لویه برخه لګښتونه به یې هم خپله حکومت ورکړي.

ولسمشر دغه راز امر کړی چې هیڅ ډول مادي خنډ باید د ټاکنو په ترسراوي کې پیدا نه شي: (( ټاکنې او سوله د یو بل بشپړوونکي دي، هم به مو پر سوله تمرکز زیات وي، هم پر ټاکنو تمرکز کوو.))

دا په داسې حال کې ده چې تر دې وړاندې د حامد کرزي او نورو سیاسیونو لخوا د سولې په خاطر د ټاکنو د ځنډولو غوښتنه څو واره شوې ده.

دغو سیاسي کړیو د ټاکنو پر ځای له سولې وروسته د یو مؤقت حکومت طرحه ورکړې ده.

onesignal_meta_box_present:
1
onesignal_send_notification:
status:
200
recipients:
666

Leave a Reply

Your email address will not be published. Required fields are marked *