Categories

اعلان

Loading…

 صدیقي: طالبان به ژر د کران و منجان د لاجوردو له کان وشړو

تاند، چهار شنبه د چنګاښ ۲۶مه: افغان حکومت وایي، بدخشان کې د کران و منجان د لاجوردو په کان به د طالبانو ولکه تر ډېره ټینګه پاتې نه شي.

د ولسمشر غني ویاند صدیق صدیقي وايي، افغان ځواکونه به سیمه کې تر ټولو لومړی تمرکز په دې وکړي چې د کران و منجان د لاجوردو له کان څخه د طالبانو د ولکې لمن بېرته ژر ور ټوله کړي.

تر دې وړاندې داسې راپورونه خپاره شول چې طالبانو د دشنبې له ورځې راهیسې پر دغه کان بریدونه کړي او اوس یې د افغانستان د لاجوردو پر دغه ستر کان ولکه ټینګه کړې ده.

تر اوسه د کان له شلو څخه د زیاتو ساتونکو د برخلیک په اړه هم معلومات نشته، خو داسې شکونه کېږي چې دا کان د سیمې د مافیا لخوا طالبانو سره په ګډه لاندې کړای شوی دی.

ولسي جرګه کې د بدخشان د خلکو استازی حجت الله خردمند همدا خبره کوي: (( بدخشان کې له کلونو راهیسې د لاجوردو د کان لپاره یوه مافیايي کړۍ جوړه شوې او زه فکر کوم چې اوس هم دغې مافیايي کړۍ طالبانو ته دا کان تسلیم کړی دی))

 د ولسي جرګې بل غړی عبدالخالق رئيس وايي، که د دغه کان د بیا نیولو لپاره حکومت لاس په کار نه شي نو دا به بدخشان کې د طالبانو جنګي ماشین چالان ساتلو لپاره ډېره ګټه وکړي: (( جنګیالی هغه مهال ښه جګړه کوي چې پيسې ورکړل شي او دا به دطالبانو ښه مالي سرچینه وګرځي.))

 خو ارګ بیا وايي، د امنیتي ځواکونو لومړیتوب به دا وي چې د کران و منجان د لاجوردو کان بېرته له طالبانو ونیسي.

د ولسمشر ویاند صدیق صدیقي وايي، دا کان به تل تر تله د طالبانو لاس کې پاتې نه شي: (( نه یوازې د طالبانو بلکې د ټولو تروریستي ډلو سترګې زموږ پر ملي منابعو ښخې دي، تاسې د کونړ ځنګلونه وګورۍ یا زموږ نور کانونه، دوی تل هڅه کوي چې دغو سیمو کې دیره پاتې شي او له ملي سرچینو ځانته ګټه واخلي، خو موږ به یې هم داسې پرېنږدو.))

 دا په داسې حال کې ده چې د امریکا فارن پالیسۍ ورځپاڼې خپل تازه راپور کې د کونړ د ځنګلونو په اړه هم ویلي چې داعش ډله په خورا بې رحمۍ دا ځنګلونه وهي او خپل جنګي ماشین پرې چالان ساتي.

736 total views, 1 views today

onesignal_meta_box_present:
1
onesignal_send_notification:
status:
200
recipients:
666

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2