Categories

اعلان

Loading…

له امریکا وروسته فرانسه هم فضايي پوځ جوړوي

تاند: له امریکا وروسته فرانسې هم د فضايي پوځ د جوړولو اعلان وکړ.

د فرانسې ولسمشر امانویل ماکرون د پوځ سرتېرو ته په ویناکې ویلي، د فرانسې هوايي ځواکونو ته یې اجازه ورکړې ده چې ژر تر ژره فضايي پوځ هم جوړ کړي.

ماکرون زیاته کړې، د فضايي پوځ له جوړولو نه یې هدف دا دی چې فرانسه خپل دفاعي بنسټونه لا پياوړي کړي.

نوموړي زیاته کړې ده، د فضايي پوځ په جوړولو سره به یې فضا کې د فرانسې سیټلایټ نظام هم خوندي شي او د بل کال تر سپټامبر پورې به د دغه پوځ د جوړولو چارې هم بشپړې شي.

د یادونې ده چې تر کال د امریکا ولسمشر ډونالډ ټرمپ هم خپلو ځواکونو ته امر کړی و چې سپیس فورس یا فضايي پوځ ژر تر ژره جوړ کړي.

ټرمپ ویلي وو، فضا کې د امریکا یوازې موجودیت او پر سپوږمۍ د امریکا بیرغ رپاند ساتل ورته کافي نه دي، بلکې امریکا باید په فضا باندې غلبه او ولکه ولري.

هغه وخت چین د امریکا پر دغه پریکړه سخت غبرګون وښود او زیاته یې کړه واشنګټن دې فضا د جنګي مانوریو لپاره نه کاروي، ګني نړۍ ته به تباهي رسوونکي پيغامونه ولري.

563 total views, no views today

onesignal_meta_box_present:
1
onesignal_send_notification:
status:
200
recipients:
665

Leave a Reply

Your email address will not be published. Required fields are marked *

۸