Categories

اعلان

Loading…

عواید تر ټاکلي هدف زیات تول شوي

د مالیې وزارت ویاند: د ۱۳۹۸ مالي کال په لومړیو شپږو میاشتو کې ملي عواید له ټاکل شوي هدف زیات راټول شوي دي

د ۱۳۹۸ مالي کال د لومړیو شپږو میاشتو د مالیې وزارت فعالیتونه او لاسته راوړنې د خبري کنفرانس له لارې نن د چنګاښ میاشتې په ۱۸ مه نېټه د مالیې وزارت ویاند او د اړیکو او عامه پوهاوي رئیس ښاغلي شمروزخان مسجدي د حکومت د رسنیو په مرکز کې له رسنیو سره شریکې کړې او د مالیې وزارت په ځانګړو دندو کې د نورو ادارو له مداخلو څخه د مخنیوي په اړه وضاحت ورکړ.

د مالیې وزارت ویاند او د اړیکو او عامه پوهاوي رئیس د ملي عوایدو د راټولو په اړه وویل: د روان مالي کال په لومړیو شپږو میاشتو کې زموږ راپورونه ښیې چې نه یواځې دا چې د ملي عوایدو راټولیدل زموږ له پلانونو سره مطابقت لري بلکه له پلان څخه زیات راټول شوي دي، که د ملي عوایدو راټولول په همدې ډول روان وي د کال تر پایه موږ کولی شو له ټاکل شوي هدف څخه زیات ملي عواید را ټول کړو. د روان مالي کال لپاره په ملي بودیجه کې د عوایدو لپاره ۱۸۸ میلیارده افغانۍ هدف ټاکل شوی دی چې موږ تر اوسه وکولی شول ۱۰۲ میلیارده افغانۍ راټولې کړو چې د تېر کال په پرتله ۱۲ میلیارده افغانۍ (۱۴سلنه) زیاتوالی ښیې.

ښاغلي مسجدي وویل، چې په لومړیو شپږو میاشتو کې د حکومت په کچه د پراختیایي بودیجې لګښت ۴۱ سلنه دی چې د تېر کال په پرتله ۵ سلنه زیاتوالی ښیې. نوموړي زیاته کړه چې د مالیې وزارت له پلان سره سم د مالي کال تر پایه ټاکل شوی د حکومت په کچه د پراختیایې بودیجې لګښت ۹۵ سلنې ته ورسیږي.

ښاغلي مسجدي د ادارو د غیر قانوني مداخلو په تړاو د مالیې وزارت د مکتوب په اړه وویل: د یاد مکتوب له صادرولو څخه د مالیې وزارت موخه د دې وزارت په ځانګړو چارو په ځانګړې توګه په عوایدي سرچینو کې د نورو ادارو له مداخلې څخه مخنیوی دی چې د ګمرکونو قانون، پر عایداتو د مالیاتو قانون او د هیواد نورو تقنیني سندونو سره سم د مالیې وزارت له دندو او مسؤلیتونو څخه شمیرل کیږي. په نورو برخو کې چې له عوایدي سرچینو څخه کنټرول، نظارت، بررسۍ او همداشان له فساد سره مبارزه ده مالیې وزارت د هیواد نافذه قوانینو په رڼا کې ترې ملاتړ کوي او له اړوندو ادارو سره هر اړخیزه همکاري او همغږي کوي او کړې یې ده.

 نوموړي زیانه کړه، چې د مالیې وزارت د مکتوب محتوا د اطلاعاتو د ازادۍ جریان نه اغیزمن کوي. یواځې له نورو ادارو سره د مالیې وزارت د ځانکړو دندو د  روښانه کولو په موخه لیږل شوی دی. مالیې وزارت اطلاعاتو ته د لاسرسي قانون جدي پلي کیدو ته ژمن دی او له ټولو متقاضیانو سره هر اړخیزه همکاري له خپلو قانوني دندو او لومړیتوبونو څخه شمیري.

دا راز ښاغلي مسجدي د کارکوونکو د ۱۵ ورځني معاش اجراآ کولو په اړه وویل:” مالیې وزارت د متحدالمال مکتوب له لارې ټولو دولتي ادارو ته خبر ورکړی، چې د خپلو مستحقو کارکوونکو د معاشونو راپور یاد وزارت ته وسپاري او هغه ادارې چې د تخصیص په برخه کې ستونزه لري، له خپلې تخصیص شوې بودېجې څخه دې اجرا کړي. مالیه وزارت به یې د کال په منځنۍ بررسۍ کې د ورکړل شوې وجوې له مخې ادارو ته ور ولېږي. دغه هوکړه د مالیې وزارت له لوري له ټولو ادارو سره تر سره شوې ده. “

نوموړي زیاته کړه، مالیې وزارت د لومړي ځل لپاره د ۲۲ ولایتونو د مستوفیتونو بستونه د ازادې سیالۍ له لارې اعلان کړ، چې بریالي کسان د ازموینې له تېرېدو وروسته دندو ته ورمعرفي شوي دي.

 د کنفرانس په پای کې د خبریالانو پوښتنو ته ځوابونه هم وویل شول.

304 total views, 2 views today

onesignal_meta_box_present:
onesignal_send_notification:
status:
200
recipients:
656

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2