Categories

اعلان

Loading…

مور مې ښكلې نشوه… ! ژباړن: فرهاد ویاړ

شاعر: رضا فرمند (۱)

مور مې ښکلې نشوه

مور مې ونشو کړای

د خپل ژوند کړکۍ

د مینې په لور پرانیزي؛

هغه د خپلې ښکلا مالکه نه وه.

مور مې ونشو کړای

د خپل غرور زیږه مرغلره 

د تاریخ له خلاص سینګار بکس را واخلي

او د کلیمې په ناپایه هوا کې

ساه وباسي.

مور مې ښکلې نشوه

مور مې ونشو کړای

د کلیمې د الماس تیزوالي ته

ځیر شي.

او د نړۍ د ماڼۍ څلي ته

له کلیمې سره

تناب واچوي.

مور مې ښكلې نشوه

مور مې ونشو کړای

کلیمې ته ورننوځي

او د حافظ د غزلو په سپوږمکۍ

د نړۍ ګردچاپیره

وګرځي.

مور مې ښکلې نشوه

مور مې ونشو کړای

خپله ستړیا

د کلیمې په چینې کې پریمنځي

او د قهر زهرجنو اوبو يې

آه….

بهر ته لار پراننیسته.

مور مې ونشو کړای

د خپل اندام پر څانګو

یو پسرلی وغوړوي.

مور مې ښکلې نشوه

مور مې ونشو کړای

په ورځ کې کښیني

په شپې کې

د کلیمې څراغ

رڼا کړي

او غروب

د یوه جشن په هلهلې کې

                        پټ کړي.

او د خیال په شپو کې

آه….

د شرابو لار یې نه پیژندله.

مور مې ښکلې نشوه

مور مې ونشو کړای

له کلیمې سره عادت وکړي

په هغې کې

آش تکراري شوی و

چای تکراري شوی و

او د ښوروا ایشیدل

تکراري شوی و.

مور مې ښکلې نشوه

مور مې ونشو کړای

    ـ د کلیمې خول پر سر ـ

خپله ځلانده څیره

د غرور په هنداره کې 

                    وګوري.

مور مې ونکړای شول

له آئینې سره عادت وکړي

او د مُسکا طرحه يې

آه…

د هیڅ شپې او ورځې پر پاڼې 

بشپړه نشوه.

مور مې ښکلې نشوه

مور مې ونشو کړای

حامله نشي

یا خپل رحم

يوه شپه په پټه

د سپي خوراک کړي.

مور مې ونشو کړای

حامله نشي

یا خپل جنینونه

د نیالګي په شان

يه یوې ګلدانۍ

یا باغچې کې نال کړي.

مور مې ښکلې نشوه

مور مې ونشو کړای

حدیثونه او روایتونه

له سره ولیکي

او د لویانو په ټولګي کې 

ناڅاپي لیک او لوست زده کړي.

مور مې ښکلې نشوه

مور مې ونشو کړای

بل قرآن ولیکي

یا ښځینه خدای وزیږوي

او د خلکو د نادانۍ پیړ پوټکی

د دیګ د سوي کنکري په شان

په سیمي جالۍ او پوډرو پریمنځي.

مور مې ونشو کړای

په ستومانۍ کې

غرمه

د رټې په شان د ورځې له مخې

پاکه کړي

او کور په یوه پوکي 

جارو کړي.

مور مې ونشو کړای

زموږ د تن په میتابولیزم کې

لاس ووهي

او عیسی ډوله

په یوې مړۍ ډوډۍ 

موږ

ټول کال ماړه کړي.

مور مې ونشو کړای

خپل د پخلي کار

د څو ورځو لپاره پر موږ خرڅ کړي

او له سپما یې

هر چا ته چې وغواړي

تحفه واخلي.

مور مې ونشو کړای

د نړۍ عجیبه منظر

د کلیمې له پنجرې وګوري.

مور مې ونشو کړای

ښځه نه وي

له مورتوبه استعفا ورکړي

او د ملاقات په اوږده کتار کې

پریشانه نشي.

مور مې ښکلې نشوه

مور مې ونشو کړای

جادو زده کړي

چې په قاب

او قاشوغې بدله شي

او زموږ د سترګو نه لیرې

په المارۍ کې

پټه شي.

مور مې ونکړای شول

څانګونه پیدا کړي

او د پخلنځي له پنجرې

یو سهار،

د مرغۍ په شان

وتښتي.


رضا فرمند ایرانی شاعر دی چې په ډنمارک کې اوسي. نوموړی په ۱۳۳۴ لمریز کال د ایراني اذربایجان په تبریز ښار کې زېږېدلی خو له ۱۹۸۵ م کال راهیسې په ډنمارک کې هستوګن دی.

1,073 total views, 1 views today

onesignal_meta_box_present:
1
onesignal_send_notification:
status:
200
recipients:
657

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2