Categories

اعلان

Loading…

د ځدراڼ قوم ځوانانو له ولسمشرغني څخه وغوښتل چې سیمو ته یې پام وکړي

تاند – د لویې پکتیا د ځدراڼ قوم یو شمېر ځوانو استازو له ولسمشر اشرف غني څخه وغوښتل چې ستونزو ته یې پام کړي او خپلې کړې ژمنې ورسره پوره کړي.

د ځدراڼو د قوم د ځوانانو ټولنې د چنګاښ په ۱ په کابل کې په یوه غونډه کې د خپلو ستونزو په هکله بحث وکړ او په پای کې یې یوه اعلامیه خپره کړه چې یوه کاپي یې تاند ته رالېږلې ده.

د ځدراڼو په اعلامیه کې یو ځای ولسمشر مخاطب شوي او لیکلي یې دي، «ښاغلیه ولسمشره، ځدراڼ ستر قوم د ستاسې ژمنو او کړنو تر منځ په ډانګ او کړنګ ولاړ دی او د یوې پراخې راټولیدنې په ترڅ کې پدې سلا شول چې که په داسې حال کې لا غلی پاتې کیږي د خپل قوم بربادي په سترګو ویني او که په تاسې د نیوکې او ګیلې مخکې عملا ستاسې پر وړاندې سیاسي لوری نیسي نو د یو برحاله حکومت کمزوري ویني.»

اعلامیه د دې خبرو په امتداد لیکي،‌ «له دې امله، نو پرېکړه په دې وشوه چې  ځدراڼ ولسونه  تاسې ته د فرصت په توګه هغه ژمنې در یادې کړی چې له دې پراخ نفوسه ولس سره مو کړي خو بیا مو نه پرې سر ګرولای او نه مو د دوی غږ اوریدلای.»

د ځدراڼ قوم د ځوانانو استازو له ولسمشر غني او حکومت څخه وغوښتل چې د جلغوزیو د صدور کار دې یوازې محدود شمېر کسانو پورې نه محدودوي او دا لړۍ دې داسې پراخه کړي چې د سیمې نور استوګن هم ترې استفاده وکړي او تر څنګ یې د دغه قوم په اکثریت لرونکیو ولسوالیو کې نور اقتصادي پروګرامونه هم پلي کړي.

د قوم د ځوانانو له خوا په خپره شوې اعلامیه کې یو بل ځای راغلي، «دا حالت خورا دردونکی دی. تر دې چې په دې وروستیو کې د ځدراڼ مېشتو سیمو او ولایتونو په تېره هم د پکتیا، او پکتیکا امنیتي وضعیت خورا خراب شوی، له حکومت سره د ولسونو اړیکې له بل هر وخته کمزوري حالت ته رسیدلي تر دې چې دوی لا هم فکر کوي په حکومت کې هیڅ استازی نه لري او نه یي څوک غږ اوري.»

ویل کیږي چې ځدراڼ د پکتیا او پکتیا ولایتونو په ۱۱ ولسوالیو کې په کثرت سره اوسېږي او سیمې یې تر ډېره د نا امنۍ، او د تعلیمي او صحي اسانتیاوو د کمي له امله له ستونزو سره مخامخ دي.‌

749 total views, 1 views today

onesignal_meta_box_present:
1
onesignal_send_notification:
status:
200
recipients:
643

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2