Categories

اعلان

Loading…

ولسي جرګه کې نن د روغې ناسته په اخ و ډب اوښتې ده

د ولسي جرګې د ریاست پر څوکۍ د پارلمان د وکیلانو اوږدمهاله راهیسې روان جنجال نن په فزیکي شخړه اوښتی دی.

یو شمېر وکیلانو نن غوښتل چې میر رحمان رحماني د ریاست پر څوکۍ کېنوي، خو بله ډله وکیلانو یې مخالفت کړی چې له کبله یې رامنځته شوي اخ و ډب کې وکیلانو د رئیس میز مات کړی دی.

میر رحمان رحماني د ثور په ۲۷مه د جرګې خپلمنځي ټاکنو کې په ۱۲۳ رایو د مؤقت رئیس لخوا د جرګې مشر وټاکل شو، خو په هغه ورځ جرګه کې په دې جنجال وشو چې رحماني د مجلس د نصاف پنځوس جمع ۱ رایې نه دي اخیستي.

ویل کېږي، پرون د جرګې غړو پریکړه کړې وه چې هغه جنجالي رایه به عمومي مجلس ته وړاندې کوي چې رحماني پرې د بریا او مخالفان یې د هغه د ناکامۍ ادعا کوي.

مګر نن جرګه کې له بحثونو وروسته اخ و ډب رامنځته شوی چې ویل کېږي، پخپله میر رحمان رحماني، اله ګل مجاهد او ګل رحمان همدرد په کې ټپي شوی دی.

رحماني تر دې وړاندې ویلي وو، په اکثریت رایو د جرګې مشر شوی، مګر د ملي ګټو په خاطر چوکۍ په زور نه نیسي، بلکې خپل کارونه د جرګې د ریاست له خونې مخته وړي.

684 total views, 1 views today

onesignal_meta_box_present:
onesignal_send_notification:
status:
200
recipients:
640

Leave a Reply

Your email address will not be published. Required fields are marked *

۸