Categories

اعلان

Loading…

په افغانستان کې یو بل خصوصي بانک دېوالیه شو

تاند- د افغانستان بانک چارواکي تاییدوي چې د هیواد یو بل خصوصي بانک له بانکي مقرراتو څخه د سرغړونې له کبله دېوالیه شوی دی.

د افغانستان بانک چارواکي وايي چې د افغانستان کمرشل (سوداګري) بانک دېوالیه شوی دی.

دا په تېرو ۱۰ کلونو کې درېم بانک دی چې په افغانستان کې دېوالیه کېږي.

د راپورونو له مخې، د افغانستان د کمرشل بانک ستونزه اصلاً په ۲۰۱۲ م کال هغه مهال پیل شوه چې د براک (BRAC) بانک د لایسنس پر اساس یې واړه پورونه ورکول.

خو د افغانستان بانک چارواکي وايي چې کمرشل بانک د سرغړونو په خاطر، چې د تاسیس له پیله یې کولې، دېوالیه شوی دی.

د افغانستان بانک وايي، کمرشل بانک داسې کسانو ته پورونه ورکول چې ورڅخه اخیستل او یا یې تعقیبول ګرانه وو او له بلې خوا د دغه بانک ونډه والو ورڅخه پیسې ایستلې.

تر دې وړاندې کابل بانک، چې یوه موده د افغانستان تر ټولو ستر بانک و، په ۲۰۱۰ م کال دېوالیه شو.

د کابل بانک ۹۰۰ ملیون ډالره ووهل شوې او وروسته د افغانستان بانک تر خپل کنټرول لاندې راوست.

875 total views, 1 views today

onesignal_meta_box_present:
onesignal_send_notification:
status:
200
recipients:
637

Leave a Reply

Your email address will not be published. Required fields are marked *

۸