Categories

اعلان

Loading…

د ټرمپ تر ټولو وفاداره ویانده له سپینې ماڼۍ ولاړه

تاند: د ډونالډ ټرمپ تر ټولو باوري مامورې او د سپینې ماڼۍ ویاندې سارا سینډرز له خپلې دندې استعفی ورکړه.

ټرمپ د میرمن سینډرز د استعفی پخلی کړی او ویلي یې دي سارا یوه تېزه او مخلصه ویانده وه چې خپله دنده یې په ښه توګه اجرا کړه خو اوس به اغلې سینډرز د جون د میاشتې تر پایه خپل پلرني ایالت کینساس ته ځي.

سارا سینډرز هم په غریو نیولي غږ رسنیو ته وویل، غواړي خپلې کورنۍ سره وخت تېر کړي.

ټرمپ لا تر اوسه د سارا سینډرز ځای ناستی نه دی ټاکلی خو د مخه ښې پر مهال یې د نوموړې زیات صفتونه وکړل.
سارا سینډرز ۲۰۱۷ کال کې سپینې ماڼۍ ته د شان سپایسر په ځای راغله او تر دې وړاندې د سپینې ماڼۍ د ویاند مرستیاله وه.

سارا د ټرمپ د کمپاینونو پر مهال د هغه بیان له کبله زیاته مشهوره شوه چې ویلي یې وو، خدای غواړي چې ټرمپ واکمن شي.

نوموړې د ټرمپ تر ټولو وفاداره ملګرې بلل کېده.

693 total views, 2 views today

onesignal_meta_box_present:
1
onesignal_send_notification:
status:
200
recipients:
631

Leave a Reply

Your email address will not be published. Required fields are marked *

۸