Categories

اعلان

Loading…

د ږغ د اورېدو له لارې د څېړې پېژندونکی سیستم

تاند- څېړونکو د مصنوعي ذهانت یا ارټیفیشل انتلیجنس داسې سیستم جوړ کړی چې د خلکو د ږغ یا ثبت شوي ږغ په اورېدو د هغوی د څېړې ځانګړتیاوې پېژندلی شي.

د ډیلي مېل ورځپاڼې د راپور له مخې، دا سیستم د امریکا د ماساچوسیت د ټکنالوژۍ انستیتیوت (MIT) څېړونکو جوړ کړی دی.

دا سیستم، چې (Speech 2 Face) نومېږي، د مصنوعي ذهانت نرمکالی یا سافټوېر د صوتي کلیپونو په اورېدو د هغه کس څېره ترسیموي.

څېړونکي وايي، د دې څېړنې هدف دا دی چې د یوه کس د خبرو کولو د طریقې له لارې د هغه ظاهر یا څېره تر څه حده پېژندل کېدای شي.

په دې کې شک نشته چې د هرې څېړې ځانګړی ږغ نه وي او څېړونکي هم وايي چې دوی له دې لارې د چا څېره سل په سلو کې نه شي پېژندلی بلکې غواړي چې د فرد د څېرې اصلي ځانګړتیا معلومه کړي.

د مصنوعي ذهانت په دې سیستم د یوټیوب ویدیوګانې څېړل شوي او د هغو د ږغ او تصویر ارتباط تشخیص شوی دی.

پر دې سربېره دا سیستم د خلکو عمر، جنسیت او حتي قومیت هم تشخیص کولی شي.

دا سیستم په دې کارونو کې د انسان دخالت ته اړتیا نه لري.

د څېړونکو په وینا له دې سیستم څخه په راتلونکې کې ډېر کار اخیستل کېدای شي.

301 total views, 3 views today

onesignal_meta_box_present:
onesignal_send_notification:
status:
200
recipients:
637

Leave a Reply

Your email address will not be published. Required fields are marked *

۸