Categories

اعلان

Loading…

پیپلز او مسلم لیګ ګوندونه د زرداري د نیولو خلاف اعتراضونه کوي

تاند- د اصف علي زرداري له نیول کېدو وروسته پیپلز ګوند له خپلو پلویانو وغوښتل چې د پراخو اعتراضونو لپاره کوڅو او واټونو ته راووځي.

د پیپلز ګوند مشر بلاول بوټو وویل، د پراخو مظاهرو او لاریونونو په جوړولو به ثابته کړي چې د هر ډول اقدام په وړاندې چوپه خوله نه پاتې کېږي.

د جیو نیوز تلویزیون د راپور له مخې، بلاول زیاته کړه«هغه وخت راغلی چې اعتراضونه وکړو، زموږ د ګوند مشران به په بېلابېلو ښارونو کې اعتراضونه تنظیم کړي.»

بلاول بوټو دا هم وویل چې دا اعتراضونه به نه یوازې د زرداري د نیولو خلاف وي بلکې د بیو د لوړېدو په اعتراض کې به هم وي.

د ده په وینا د عمران خان د ناسمو پالیسیو له کبله په پاکستان کې هیڅوخت دومره ګراني نه وه راغلې.

د پیپلزګوند مشر د عمران خان له خور علیمه خان څخه د فوري تحقیقاتو غوښتنه وکړه، ویې ویل چې پوښتنې- ګروېږنې باید یوازې د اپوزیسیون له غړیو او مشرانو څخه ونه شي.

د نوازشریف په مشرۍ د مسلم لیګ ګوند مشرانو هم د زرداري د نیولو خلاف ږغ پورته کړی او ویلي یې دي چې په دې مسله کې د پیپلز ګوند په اعتراضونو کې شریکېږي.

د نوازشریف لور مریم نواز ویلي«جعلي صدراعظم د اپوزیسیون مشران نیسي چې نور د ده پر کارونو اعتراض ونه کړي.»

دې هم د نوازشریف د خور د محاکمه کېدو غوښتنه وکړه.

علي زرداري پرون /دوشنبه/ د مالي فساد او پیسو سپینولو په تور د اسلام اباد د محکمې په حکم په خپل کور کې ونیول شو.

693 total views, 4 views today

onesignal_meta_box_present:
1
onesignal_send_notification:
status:
200
recipients:
630

2 comments

  1. Alex Reply

    د نواز شریف خور نه د عمران خان د خور محکمه کېدل یې و غوښته.

  2. Zahra Zafar Reply

    thanks for sharing its awesome and lovely one

Leave a Reply

Your email address will not be published. Required fields are marked *

۸